الإثنين 17 يونيو 2024
رئيس التحرير
عمرو عامر
المشرف العام
عبدالعظيم حشيش
تحليل

حكاية الـ 1000 شركة صينية اللي هتشتغل في اقتصادية قناة السويس

الأحد 19/مايو/2024 - 09:40 ص
قناه السويس
قناه السويس

 

 

منطقة قناة السويس، واحدة من اهم المناطق اللي عليها طلب كبير جدا من المستثمرين واصحاب رؤوس الاموال لبناء مصانع وشركات هتكون عامل اساسي في زيادة فاتورة مصر التصديرية من العملات الأجنية.. يا تري اية اخر المشروعات الاستثمارية اللي دخلت الاستمثار في منطقة قناة السويس، والدولة مستهدفة كام من المشروعات الاستثمارية بالمنطقة


الاصلاحات الاقتصادية الأخيرة اللي قامت بيها الحكومة في ملف سعر الصرف والقضاء علي وجود سعرين للدولار في السوق المصري واللي كانت نهاية السوق السودا في التجارة بالعملات الاجنبية، كانت فاتحة خير علي مصر خصوصا ان في بحر من الاستثمارات الاجنبية اللي بتستهدف تدخل للسوق المصري.
المنطقة الاقتصادية لقناة السويس واحدة من اهم المناطق اللي عليها زخم كبير جدا من المستثمرين ورجال الاعمال لاقامة مشروعات استثمارية وشركات هتساعد في زيادة الفاتورة التصديرية لمصر بالخارج، وهتوفر الآلآف فرص العمل للشباب خصوصا ان الاجراءات اللي خذتها الحكومة في رفع عقبات الاستثمار .
طيب اية اللي بيحصل في المنطقة الاقتصادية لقناة السويس؟.
في الوقت الحالي المنطقة الاقتصادية لقناة السويس واحدة من اهم المناطق اللي عليها العين من المستثمرين وخصوصا الشركات الصينية واللي نازلها بكل قوتها في المنطقة هناك خصوصا ان القائمين علي المنطقة هناك بيستهدفوا الوصول بعدد الشركات الصينية في المنطقة الاقتصادية لقناة السيوس لـ100 شركة مختلفة مع بداية عام 2030.
في الكام شهر اللي فاتوا، المنطقة الاقتصادية لقناة السويس وقعت عقود مع شركة شنغيوان لهندسة البناء المحدودة علشان يأسسوا مشروع بإجمالي استثمارات 4 ملايين دولار، ده غير التعاقد علي اقامة مشروع مع شركة كيميتمس للكيماويات المحدودة باستثمارات هتوصل لـ 17.2 مليون دولار، ومشروع شركة الياسمين للاستثمار الصناعي باستثمارات هتوصل لـ 1,9 مليون دولار، ومشروع تايجر كينج للعدد والأدوات باستثمارات هتوصل لـ 1,9 مليون دولار.
المهندس وليد جمال الدين رئيس المنطقة الاقتصادية لقناة السويس قال أن المنطقة الاقتصادية نجحت خلال السنتين اللي فاتوا في جذب 128 مشروعا بقيمة 6 مليار دولار، ووصلت نسبة الاستثمارات الصينية منهم 40% منها .
رئيس الهيئة العامة للمنطقة الاقتصادية لقناة السويس، قال ان إن الهيئة وقت في السنة اللي فاتت بس تعاقدات بقيمة 3.57 مليار دولار لـ 60 مشروع وفي 55 مشروع صناعي اخذوا الموافقة المبدئية لانشاء مشروعات استثمارية .
وليد جمال الدين قال كمان، أن الهيئة وقعت 11 اتفاقية إطارية تستهدف إنتاج الوقود الأخضر بأنواعه سنويا خصوصا ان مصر حاليا بتستهدف استثمار المنطقة الاقتصادية لقناة السويس لخلق تجمعات صناعية تنافسية وهتكون بوابة للصناعة المصرية في الأسواق العالمية، وان الهيئة حاليا عندها خطة للدخول في اسواق روسيا والصين لتحفيز المستثمرين هناك واصحاب رؤوس الاموال علشان يدخلوا مصر وينفذوا مشروعات ومناطق اقتصادية خصوصا في المناطق الموجودة على جانبي القناة خصوصا ان القناة هي اهم واسرع ممر بحري بيربط بين آسيا وأوروبا، وهتكون الشركات قدامها فرصة سهلة لشحن بضائهم لكافة دول العالم دون اي عوائق او مشاكل في الشحن والتفريغ للصادرات او وصول المواد الخام  .