الجمعة 14 يونيو 2024
رئيس التحرير
عمرو عامر
المشرف العام
عبدالعظيم حشيش
تحليل

باستثمارات هتوصل 15 مليار دولار.. تفاصيل العرض السعودي للاستثمار في راس جميلة

الثلاثاء 14/مايو/2024 - 02:00 ص
مصر والسعودية
مصر والسعودية


 
مصر في الفترة الأخيرة جالها كام عرض للاستثمار السياحي والعقاري في منطقة رأس جميلة، وده بعد النجاح الكبير اللي عملته مصر في مشروع رأس الحكمة، واهم عرض حاليا موجود قدام الحكومة من السعودية.. يا تري اية تفاصيل العرض ده.. واية العوايد اللي هترجع علي مصر من الاستثمار السياحي في رأس جميلة.. ومتوقع سعر الدولار يوصل لكام بعد التوقيع

الحكومة المصرية حاليا فتح باب الاستثمار العقاري والسياحي قدام الشركات الاجنبية اللي عايزة تدخل مصر بهدف ضخ استثمارات جديدة، وكانت البداية بطرح منطقة راس الحكمة واللي كان لها دخلت اسثتمارات مباشرة في خزينة الدولة المصرية بمعدل 35 مليار دولار واللي انعشت بيهم خزينة البنك المركزي وقضت تماما علي مشكلة نقص العملات الأجنبية ومعاها انتهت ازمة وجود السوق السودا في التجارة بالعملات.
بعد منطقة راس الحكمة، حاليا جه الدور علي منطقة رأس جميلة واللي الحكومة بتستعد لطرحها للاستثمار السياحي قدام الشركات الاجنية والحكومة قدامها عرض قوي جدا من السعودية واللي حاطة عنيها وبكل قوة علشان تفوز بالمنطقة .
طيب اية هيا تفاصيل العرض السعودي للاستثمار السياحي في رأس جميلة؟.
السعودية من كام يوم قدمت عرض جديد لمصر علشان تدخل تستثمر في منطقة رأس جميلة، والعرض ده بينص علي السعودية هتننازل عن الودائع بتاعتها في البنك المركزي بقيمة 10 مليار دولار مقابل اتمام صفقة رأس جميلة، ده غير التنازل عن عدد كبير من الشركات السعودية العاملة في مصر وهيوصل عددهم لـ6 شركات لها مشروعات كتيرة في اغلب الخدمات المصرية زي التعليم والصحة والطاقة وغيرها من المجالات المصرية، باجمالي استثمارات مباشرة هتوصل لـ15 مليار دولار.
مصادر بوزارة قطاع الاعمال قالت أن الحكومة وصلها عرض سعودي من مجموعة عجلان وإخوانه القابضة، واللي صنفتها فوربس مؤخرًا في المرتبة 32 ضمن أقوى 100 شركة عائلية عربية لعام 2024، للاستفسار عن تفاصيل وتصور الدولة لمشروع رأس جميلة واية هيا الأهداف والموارد اللي الدولة المصرية مستهدفها من الاستثمار السياحي في منطقة رأس جميلة .
المصادر كملت كلامها وقالت أن الشركة اكدت علي رغبتها في الاستثمار في السوق المصري في الفترة اللي جاية خصوصا في منطقة رأس جميلة وانها بتستهدف اقامة مشروع سياحي متكامل خصوصا ان المنطقة واقعة في موقع متميز ومؤهلة لأنها تصبح أحد أبرز الوجهات السياحية في المنطقة.
العرض السعودي تضمن كمان إقامة مشروع فندقي على مساحة 403 آلاف و615 مترا مربعا وإقامة فندق 4 نجوم بطاقة استيعابية 844 غرفة إضافة إلى 1288 شقة فندقية، ده غير اقامة عدد من الفنادق الكبرى نظام خمس نجوم على مساحة 50%، بالأضافة الي اقاة مشاريع سكنية وتجارية تساهم في زيادة عدد السائحين القادمين الي مصر للوصول الي 30 مليار سائح وتحقيق ايرادات بإجمالي 30 مليار دولار من قطاع السياحة بحلول عام 2028 .