مليارات كوريا الجنوبية تغزو السوق المصري.. ثورة في التصنيع

كلنا طبعا عارفين كوريا الجنوبية وعارفين منتجاتها واقتصادها المهول وإزاي حققت الطفرة الاقتصادية.. لكن اللي متعرفهوش إن الوحش الكوري الجنوبي قرر يقتحم السوق المصري الواعد وينقل صناعاته الكبيرة في مصر.. ايه هي الصناعات دي وايه الاتفاقيات اللي حصلت مع الوحش الكوري.. خليكم معانا لأخر الفديو وهنقولك على التفاصيل.

مين مايعرفش بلد الهيونداي والكيا والسامسونج وباقي المنتجات الكورية اللي في كل بيت مصري سواء تليفونات أوشاشات او باقي الأجهزة الكهربائيىة ولازم شوية أرقام عشان تعرف قد ايه كوريا دولة متقدمة وغنية بسبب ثراواتها الصناعية بس واللي قدرت بيها تغزو العالم كله وعشان نستوعب حجم الاستمارات الكورية اللي هتدخل مصر.
شوف في أخر تقرير اقتصادي كوري وصلت مبيعات أكبر 500 شركة في كوريا الجنوبية خلال الربع الأول من العام الحالي إلى أكتر من 700 تريليون وون كوري جنوبي مايعادل (545 مليار دولار)، وده لأول مرة في تاريخ كوريا الجنوبية بفضل الأداء القوي لشركات الرقائق والإلكترونيات والبتروكيماويات وصناعة السيارات. وحسب التقرير قطاع تكنولوجيا المعلومات والأجهزة الكهربائية والإلكترونية، والذي يشمل صناعة الرقائق سجل أكبر مبيعات بين مختلف القطاعات بقيمة 143.3 تريليون وون.
أما شركة سامسونج واللي اتأسست سنة 1938 فهي أكبر شركة في كوريا الجنوبية، وواحدة من أكبر الشركات متعددة الجنسيات في العالم ووصلت القيمة السوقية لشركة سامسونج 342 مليار دولار أمريكي وبلغت ذروتها في 29 مايو 2023، لما وصلت 963 مليار دولار أمريكي وجت في المرتبة 22 في قائمة أفضل الشركات العالمية.

طيب ايه علاقة مصر بقصة كوريا الجنوبية .. شوف حضرتك من كام يوم فيه وفد كوري جنوبي رفيع المستوة ضم رؤساء 15 شركة كورية جنوبية رائدة جي مصر وبيضم مختلف القطاعات الصناعية الرئيسية في كوريا زي الإلكترونيات والسيارات والطاقة المتجددة،  وكل الوفد ده جاي عشان يشوف ازاي هنيقل استثماراته في السوق المصري الكبير وتحويل مصر لمركز صناعي للمنتجات الكورية العالمية وتصدير الفائض لدول أفريقيا وجنوب اوروبا باستغلال موقع مصر الفريد والاستفادة من طفرة اللوجستيات والمواني المصرية اللي اتعملت في الفترة الأخيرة والوفد الجنوبي أكد إن مصر سوق مثالي للصناعة الكورية عشان تتوسع وتنشأ صناعات ضخمة في مصر هتوفر عليها تكاليف النقل للأسواق العالمية بعد الصراعات الكبيرة اللي حصلت وأثرت على خطوط الملاحة الدولية وكمان لأن الشركات دي وصلت لمرحلة التشبع في بلادها والأسواق التقليدية بتاعتها فبتدور على أسواق واعدة ومربحة في الخارج ووقع الاختيار على مصر بعد تعويم الجنيه وتوحيد سعر الصرف.
وعشان نعرف ليه الشركات العالمية شايفة في مصر مناخ مناسب للاسثتمار نحن نقولكم إن مصر فيها دلوقتي كل العوامل اللي تخلي اي مستثمر يجي وهو مغمض منها انخفاض سعر الجنيه وده بيضاعف أرباح الشركات دي وكمان توافر العمالة الرخيصة والذكية والأهم بقي هو توفير البنية الاساسية القوية لأي صناعة من مواني وطرق وطاقة واتصالات واللي تقدر تشيل أي صناعة في لامستقبل مهما كان حجمها وكمان ميزة قرب مصر من كل قارات العالم وإنها بوابة أفريقيا وقربها من الاسواق الدولية البكر في المنطقة.