الثلاثاء 25 يونيو 2024
رئيس التحرير
عمرو عامر
المشرف العام
عبدالعظيم حشيش
بنك اونلاين

نسيت الباسورد والفلوس موصلتش.. تفاصيل لازم تعرفها عن انستاباي

الجمعة 10/مايو/2024 - 09:00 ص
إنستاباي
إنستاباي

 
 
انتهي زمن تحويل الفلوس بالطرق التقليدية وبقت كل التحولايلات دلوقتي يتم في دقيقة من الموبايل وبأي مبالغ وتقدر تبعت لاي شخص في أي مكان ولو انت مشترك في خدمة الدفع والتحويلات اللحظية انستاباي يبقي لازم تتابع الفيديو ده للآخر عشان هنجاوب عن أهم الأسئلة اللي بتحير وتقابل عملاء التطبيق.
زي ما احنا عارفين انستاباي باي ده تطبيق معتمد من البنك المركزي المصري وآمن وسهل التعامل لكن لسه فيه تفاصيل كتير محدش واخد باله منها وهو بيتعامل وبيحول الفلوس ومع الوقت فيه مواقف ممكن تواجهك في التطبيق ومتعرفش تتعامل معاها زي مثلا لو نسيت باسورد الدخول لانستاباي تعمل ... طبعا وارد جدا تنسي الباسورد ودي مشكلة لانك ممكن تكون عاوز تحول فلوس ضروري لحد .. لكن متقلقش هنقولك تتصرف ازاي عشان تفتح التطبيق وتعمل باسورد جديد..
أول خطوة هتروح ادارة الحسابات 
اضغط على الحساب الذي تريد الذي تريد إعادة ضبط الرقم السري الخاص به
إضغط على إعادة ضبط/ إلغاء حظر رقمك السري (IPN PIN)
أدخل بيانات بطاقة الدفع الإلكتروني الخاصة بك والرقم السري الخاص بها
سوف تتلقى رسالة نصية قصيرة بها كلمه السر لمرة واحدة OTP
أدخل OTP
قم بتعيين رقم سري IPN PIN جديد
قم بتأكد الرقم السري IPN PIN
وبكده يبقي عملت باسورد جديد للاستاباي ومن الأفضل محدش يعرفها غيرك حتي لو بتنسي.
وفيه سؤال تاني وصل بانكير بيسأل هل اقدر اتأكد من بيانات المستفيد قبل التحويل .. اكيد طبعا تطبيق انستاباي بيظهرلك معلومات المستفيد زي ماهي مسجلة لدي بنك المستفيد كوسيله إضافية للتحقق قبل إرسال الفلوس وده في حال إرسال الأموال إلى ع إلى عنوان الدفع اللحظي أو رقم الهاتف المحمول والحقيقة دي أهم ميزة في انستاباي لانه بيأكدلك الفلوس رايحة لمين قبل ما تبعت ويخليك تكتشف انك بتبعت لشخص خطأ قبل ما تدوس ارسال.

طيب لو انا  بره مصر وعاوز استخدم انستاباي هينفع ولا لأ.. ده سؤال مهم وبنقولك ايوا تقدر تستخدم إنستاباي من خارج مصر، وتنفيذ معاملاتك المالية لحظياً بين البنوك المصرية وطبعا دي ميزة مهمة جدا ويتهم ناس كتير جدا في السفر والغربة 

ساعات بنستخدم خدمة دفع الفواتير على انستاباي ويندفع فاتورة لكن مش بتتسدد رغم أن التطبيق بيقولك تمت العملية بنجاح ودي ساعات بتحصل.. وهناةبنقولك متقلقش  مقدم الخدمة هيقوم بتسوية الفاتورة في خلال 24 ساعة أو  هيرد مبلغ الفاتورة لحسابك وبيكون مشكلة تقنية عابرة لكن مفيش فلوس بتروح في انستاباي ولو ما محصلش تسوية الفاتورة أو رد المبلغ لحسابك بعد 24 ساعة هتتواصل مع خدمه عملاء البنك الخاص بيك وتقدم شكوى.

نيجي لآخر مشكلة ممكن تواجه عملاء انستاباي وبتخوف العملاء لما تجري معاملة أو تحويل والتطبيق يقولك المعاملة قيد التنفيذ.. ومتخافش المعاملة قيد التنفيذ يعني التطبيق عاوز يقولم إنه تم ارسال المعاملة بتاعتك إلى بنك المستفيد لكن بنك المستفيد معملش اوردر بتأكيد إضافتها لحساب المستفيد، وبعدها هيقوم إنستاباي بتحديث حالة المعاملة إلي معاملة ناجحة او مرفوضة خلال  دقائق، و تقدر تراجع حالة المعاملة من خلال قائمة المعاملات السابقة.