الثلاثاء 28 مايو 2024
رئيس التحرير
عمرو عامر
المشرف العام
عبدالعظيم حشيش
تحليل

كابوس الديون يحاصر الحكومة.. وطلب عاجل من السيسي

الخميس 09/مايو/2024 - 12:48 ص
الرئيس عبدالفتاح
الرئيس عبدالفتاح السيسي

يا ترى حجم ديون مصر وصل لفين ؟ والحكومة هتتصرف ازاى فى المف الصعب ده ؟ وايه الطلب العاجل اللى الرئيس عبدالفتاح السيسي كلف الحكومة بيه؟ وامتى ممكن ملف الديون فى مصر يتقفل ؟

 

الديون الخارجية والداخلية واحدة من اهم وأصعب الملفات اللى بتواجه الحكومة فى مصر وتقدر تقول كده ان الديون هى اللى بتبتلع حوالى 80% من حجم الموازنة العامة.. تخسل النسبة .. يعنى كل ايرادات الضرايب والسياحة وتحويلات المصريين وقناة السويس وغيرهم من الايرادات العامة 80% منهم بيروح لملف  الديون

وفى اخر احصائية كشفت بيانات صادرة عن معهد التمويل الدولي أن الدين الحكومي في مصر ارتفع إلى 81.4% من الناتج المحلي الإجمالي في الربع الأول من 2024 مقابل 80.5% في الربع الول من 2023

وأظهر تقرير للمعهد عن الديون الدولية ان ديون القطاع العائلي في مصر بلغت 7.6% من الناتج المحلي الإجمالي للبلاد في اول 3 شهور من 2024   مقابل 8.5% من سنة تقريبا.

وانخفض دين الشركات غير المالية في مصر إلى 19.1% من الناتج المحلي الإجمالي في الربع الأول مقابل 21.6% في الفترة نفسها السنة اللى فاتت .. وفي القطاع المالي، فقد ارتفعت الديون إلى 6.1% من الناتج المحلي مقارنة مع 5.4%

وكشفت وثيقة الاستراتيجية الرئاسية 2030، أن مصر بتخطط لتشكيل لجنة وزارية عليا عشان تتفاوض مع عدد من الدول والتحالفات البنكية الدائنة لمبادلة الديون المستحقة ليها بحصص ملكية في بعض الشركات المملوكة للدولة بالأسعار العادلة في سياق تنفيذ سياسة الملكية

وأكدت الوثيقة إن الخطة الموضوعة، ممكن تساهم في تحويل حوال 38% من الديون الخارجية لمصر إلى استثمارات.. وبالفعل وفى اول خطوة لتطبيق الخطة  وصلت مصر إلى مرحلة متقدمة في المفاوضات بشأن اتفاق برنامج مبادلة الديون مع الصين بقيمة تتراوح بين 100 و120 مليون دولار.

طب الرئيس السيسي هيتصرف ازاى فى الملف الصعب ده وهو ملف الديون؟

من أول يوم لوصول الرئيس عبدالفتاح السيسي لكرسي الرئاسة وهو مهموم بملف الدين العام ونفسه يغمض عينه ويفتحها يلاقي مصر حسمت الملف ده واتخلصت من أعباؤه للأبد وعشان كده السيسي شغال على الملف ده وبيشرف عليه بنفسه خصوصا بعد ما وصلت يون مصر الخارجية  لمستويات محصلتش قبل كده

والرئيس بيسعى بكل الطرق ان مصر تتخلص من الديون دي وخصوصا لما تعرف ان فوائد الدين وفقا لآخر موازنة بتبلغ حوالي 1.2 تريليون جنيه وبتمثل أكتر من 37 % من إجمالي المصروفات وكمان أقساط الدين أكتر من تريليون جنيه بنسبة نحو 30 % من إجمالي المصروفات.. ومستحيل بلد عاوزة تنهض وتقوم ممكن تكمل وهي مكبلة بكل الديون دي وبتدفع أكتر من 30% من موازنتها خدمة ديون

طب ايه الحاجات اللى الرئيس شغال عليها لتخليص مصر من كابوس الديون المتلتلة دي كلها؟ 
فى الحقيقة الرئيس السيسي شغال على اكتر من ملف لتوفير سيولة دولارية كبيرة تمكن مصر من سداد التزاماتها وفى المستقبل كمان ممكن تعمل وفرة كبيرة وتنهي بشكل كامل على أزمة نقص العملة الأجنبية وتخيل لما تقدر تسدد الديون هتوفر كام مليار دولار كل سنة بترميمهم على الأرض لما بتدفعهم كفوايد للقروض مع ان اصل القرض زي ما هو وساعات كمان بيزيد

وعشان كده فيه اهتمام بالتصنيع المحلي وزيادة هوائد السياحة وجذب الاستثمارات الأجنبية الهدف منها توفير سيولة دولارية تخليى مصر توفى بالتزاماتها وتسدد اللى عليها

كمان فيه اتجاه حاليا لتقليل الاقتراض من الخارج لأقل حد ممكن وسداد اى التزامات خارجية