السبت 25 مايو 2024
رئيس التحرير
عمرو عامر
المشرف العام
عبدالعظيم حشيش
تحليل

بأفكار خارج الصندوق ... شوف الدولة هتأمن احتياطي الأرز في الاسواق إزاي

الجمعة 03/مايو/2024 - 02:00 ص
الارز
الارز


 
الارز واحد من السلع المهمة والاستراتيجية لكل بيت مصري، وظهر في الموسم الحالي مشاكل كتيرة بسبب نقص الأرز في الاسواق واضطرت الحكومة أنها تفتح باب الاستيراد للارز بعد ما كان عندنا اكتفاء ذاتي منه وكان فيه تصدير كمان.. يا تري الدولة بتفكر ازاي في الموسم الجديد بالنسبة لزراعة الأزر.. والمساحات المخصصة لزراعة الارز هتكون اد اية

السنة اللي فاتت، مصر شهدت مشاكل كتيرة جدا بسبب نقص سلع اساسية ومهمة لكل بيت مصر وخصوصا الأرز والسكر، وكان المواطن المصري علشان يلاقي كيلو منهم كان حلم وحلم صعب جدا ، ولو لاقه بيكون سعره عالي جدا ومش هيقدر يشتريه خصوصا ان حيتات السوق كانوا لموا كميات كبيرة من السلعتين دول بالذات ده غير سلع تانية كتير وخزونها علشان يعملوا تعطيش في الاسواث ويرجعوا يبعوها باسعار ضعف ضعف سعرها الحقيقي اللي المفروض كانت تتباع عليه.
من النقطة دي الدولة حاليا بدأت تستعد للموسم الجديد، وحاليا الدولة بتفكر هتمشي السوق ازاي خصوصا في محصول الأرز، واية المساحات اللي هتخصصها لزارعة محصول مهم زي الارز والمساحات دي هتكفي اد اية واية هيا الكميات اللي هتاجها الدولة للاستيراد من الخارج لو الأمور طبلت كده.
طيب اية اللي بتعمله الحكومة دولوقتي علشان تأمن احتياجات السوق المصري من الارز؟.
من بدري كده، وزارة الموارد المائية والري حددت المساحة اللى هيتم زراعتها بمحصول الأرز لموسم الزراعات الصيفية للعام الحالى بـ 724 الف فدان فى 9 محافظاتده غير تخصيص مساحة 200 ألف فدان من سلالات الأرز الموفرة للمياه زي الأرز الجاف وتخصيص مساحة 150 ألف فدان للارز علشان تتزرع على المياه اللي فيها ملوحة مرتفعة نسبيا.
طيب اية هيا حكاية سلالات الأرز الموفرة للمياه والارز ذات الملوحة المرتفعة نسبيا؟.
مصر في الفترات الاخيرة بتعاني من الشح المائي خصوصا بعد بناء اثيوبيا لسد النهضة، وبالتالي اضطرت مصر للاتجاه لزراعة سلالات الأرز الموفرة للمياه زي الأرز الجاف ده غير زراعة انواع من الارز في المياه اللي فيها الملوحة مرتفعة نسبيا.
مصر حاليا برضوا بتنزاع انواع كتيرة من الارز زي ‎جيزة 177 وده متوسط إنتاجية الفدان من 3.5- 4 طن، وبتكون مده زراعته بتوصل لـ 125 يوم من الزراعة حتى الحصاد وده بتكون زراعته اكثر في الأراضى عالية الخصوبة، وفي نوع كمان وهو جيزة 178 وده نوع عالي الإنتاجية وبيكون متوسط إنتاجية الفدان من 4- 5 طن يحتاج إلى 135 يوم من الزراعة إلى الحصاد، وفي نوع ســخا 101: قصير الحبوب وبتوصل إنتاجية الفدان لأكثر من 5 طن والنوع ده بيكون زراعىته في الأراضى الخصبة ومتوسطة الخصوبة، وفي سـخا 102: وبتوصل متوسط إنتاجية الفدان من 3.5 – 4.5 طن، بالاضافة الي نوع جــيزة 181 وبيوصل متوسط إنتاجية الفدان من 4- 5 طن واخيرا نوع سخا 103 وبتوصل متوسط إنتاجية الفدان من 4- 4.5 طن .