الأربعاء 29 مايو 2024
رئيس التحرير
عمرو عامر
المشرف العام
عبدالعظيم حشيش
تحليل

مشروع السيسي الجديد اللي هيقلب المنطقة مع الخليج

الجمعة 26/أبريل/2024 - 10:14 ص
الرئيس عبدالفتاح
الرئيس عبدالفتاح السيسي

 
 

قولنا لحضراتكم كتيرا جنا أن الحكومة اتعلمت من اخكاء السنين اللي فاتت وحالياً شغالة في كل الطرق اللي ممكن يكون مصدر للدخل الدولاري لمصر مو من الخارج ، وحالياً الدولة شغالة علي حاجة كل الحكومات اللي كانت موجودة اهملتها من سنين مع السعودية من خلال مشروع هيكون مصدر مهم جدا للربط المصري السعودي ومصدر مهم جدا للدخل لمصر.. يا تري أية تفاصيل المشروع ده.. وآية العوايد الاقتصادية المتوقعة منه
 
طعلنا هنا لحضراتكم اكتر من مرةعندنا هنا في بانكير وقولنا لحضراتكم إن الشغل الأساسي للحكومة في الفترة الرئاسية الجديدة هو تنويع مصادر الدخل الدولاري للخزينة المصرية بحيث ميكونش الاعتماد علي مصدر أو ل مصدرين زي ما مات بيحصل في السنين اللي فاتت خصوصا أن الأحداث السياسية في الشرق الأوسط بتغيير بين يوم وليلة بتغير معها كل المعطيات والحاجات اللي الدولة بتعتمد عليها كمصدر من مصادر الدخل الدولاري لمصر.
في الفترة الأخيرة الحكومة شافت أن عندها ثروة بشرية ضخمة جدا من المصريين اللي شغالين في المملكة العربية السعودية وغالباً مش مستفاظة منهم بالشكل المطلوب خصوصا أن تحويلات المصريين بالخارج جت في فترة من الفترات وكانت متراجعة جدا بسبب وجود سعرين للدولار في مصر، وحاليا الدولة بتفكر تخدمهم وتوفر عليهم فلوسهم وتنقلهم من مصر للسعودية وبسعر مناسب وبأقل تكلفة .
طيب اية هيا تفاصيل المشروع اللي الدولة بتفكر تعمله مع السعودية ده ؟.
الدولة لي الفترة الأخيرة بتحازل تفكر بكل الطرق أنها تعظم الدخل للخزينة العامة للدولة، وحاليا الدولة لقت أنها عندها أكثر من 3 مليون مصري شغالين في السعودية وفي نسبة فيهم كبيرة بتسافر السعودية علي الطيران السعودي والطيران الأجنبي وده بسبب أسعار شركة مصر للطيران المبالغ فيها بشكل كبير جدا والله المفروض انها تكون أرخص من كل شركات الطيران الخاص.
ارتفاع أسعار تذاكر الطيران للسعودية خاي ناس كتير وخصوصاً من العاملين هناك تفكر أن تسافر بالنقل البحري خصوصاً أن أقل تكلفة بكتير وأقل في الوقت وبيكون عبارة عن فسخة بحرية جديدة عليهم وبيسافروا بيها يشوفوا اكل عيشهم خصوصا أن في رحلات كتير بحرية بتطلع بين مصر والسعودية من ميناء سفاجا للسعودية باللانشات لنقل العاملين هناك.
من هنا بقي الدولة فكرت أنها تفنن الموضوع ويكون سفر المصريين كول بشكل رسمي ومن خلالها هيا وفعلاً حصل اتصالات بين مصر والسعودية لتدشين خط بحري بين خليج العقبة والسعودية ولكن مش لنقل العاملين اللي شغالين هناك بس.. لا ده هيكون لنقل البضائع والسائحين اللي عايزين ينزلوا مصر بشكل سريع يقضوا اجازات معينة في المناطق السياحية والساحلية المصرية بدون تعقيدات الطيران ولا حجز قبل بفترة ولا غيره.

طيب ليه مصر اختارت خليج العقبة بالذات علشان يكون هو مكان ربط المشروع البحري مع السعودية؟.
باختصار شديد مصر اختارت خليج العقبه لانه المنفذ الوحيد لكل من فلسطين والأردن والسعودية لمصر على البحر الأحمر، وبالتالي هيكون نقطة ربط كويسة مع كل الدول دي خصوصاً لو مصر وقعت اتفاقيات معاهم للربط البحري في المستقبل يعني هيكون نقطة انطلاق لمصر مع أكثر من 4 دول مش دولة واحدة بس .

طيب احنا عندنا حركة تجارة وسياحة كبيرة للدرجة دي وتخلي مصر تفكر في مشروع ربط بحري مع السعودية؟.
علشان نكون عارفين أن السعودية واحدة من اهم واقوي الدول للصادرات المصرية وخصوصا الصادرات الزراعية وفي تبادل كبير بين البلدين في كل المجالات مش الزراعية بس، ومشروع الربط البحري هيك ن محطة مهمة جدا لنقل الخضروات سريعة التلف بين البلدين خصوصا أن نقل الخضروات والفواكه والحاصلات الزراعية خصوصاً أن النقل الجوي بيحتاج موافقات واتفاقيات للعبور وكلها إجراءات محتاجة وقت طويل بتكون فيهم الخضروات بنسبة كبيرة باظت وفسدت .
مصر كمان بستهدف من الخط البحري الجديد زيادة الوفود السياحية اللي بتيجي مصر علشان تقضي فترات الإجازات في المناطق السياحية والساحلية المصرية خصوصا أن السعودية بتعد سوق مهم جدا للسياحة المصرية خصوصا أن السائح الخليجي عامة والسعودي خاصةً معروف عنه أن سائح مرتفع الانفاق يعني بيصرف كتير لما ينزل اي منطقة سياحية والنوع ده من السائحين الدول بتدور عليه بالحلاوة .
طيب اية هيا تفاصيل المشروع المؤ السعودية للربط البحري ؟.
مشروع الربط البحري بين مصر والسعودية هيشمل بناء جسر بحري يربط بين جزيرة العرب وشبه جزيرة سيناء، والمشروع ده جزء من خطة أوسع لتعزيز التكامل الاقتصادي والتجاري بين الدول العربية وتطوير البنية التحتية للنقل في المنطقة، وبالتالي تأثير هيكون كبير على قطاعات النقل والسياحة والتجارة والاستثمار في المنطقة، والهدف الأساسي منه تحسين وتسهيل حركة البضائع والسلع والركاب بين مصر والسعودية، وتقليل تكاليف النقل وتحسين الكفاءة والوقت المستغرق في التجارة والنقل بين البلدين.


العوائد الاقتصادية للمشروع الجديد متوقع لها انها توصل لخدمة 5 مليون شخص منهم  3 مليون بيمثلوا الجالية المصرية بالسعودية ده غير ما يقرب من مليون سعودي متوقع دخولهم لمصر كسائحين، وده غير مليون سائح كمان متوقع وصولهم لمصر من الأردن وفلسطين.
وعلشان نكون عارفين أن انضمام مصر السعودية لتجمع البريكس كان سبب قوي في وصول الدولتين لاتفاق نهائي لبدء المشروع خصوصاً أنه هيحقق استفادة للبلدين أهمها التكامل اقتصادي اللي هيصب في مصلحة البلدين على حد سواء.