ليه العقارات سعرها مش بينزل وامتي تستثمر فيها فلوسك.. مفاجأة

ياترى ليه العقارات سعرها مش بينزل زي السلع والمنتجات التانية بعد التعويم واستقرار سعر الدولار.. وايه هي المفاجأة اللي في السوق وايه أنسب وقت تستثمر فلوسك في العقار.. كل ده هنجاوب عليه في الفيديو ده خليكم معانا للآخر 
 
زيه اي سوق في مصر ارتفعت أسعار العقارات بشكل جنوني في مصر في خلال السنة اللي وصلت فيها أزمة نقص الدولار للذروة وزي كل حاجة زادت أسعار الشقق والمحلات وغيرها في قطاع العقارات وده كان طبيعي جدا وقتها لما تعرف إن دولار الحديد كان بيعدي 60 حنيه وقت ما كان سعره  في البنك ثابت ب30 جنيه .
والحقيقة مش بس الدولار اللي كان السبب في ارتفاع أسعار العقارات نتيجة ارتفاع أسعار مواد البناء زي الحديد والأسمنت لكن فيه اسباب تانية ضاعفت أزمة سوق العقارات وخلت الأسعار في السحاب زي مثلا الزيادة الكبيرة جدا في الطلب سواء من المصريين اللي عاوزين يستثمروا في العقار أو اللي عاوزين يشتروه كسكن.. طيب ايه سر ارتفاع الطلب على العقارات رغم عدد المدن الكبيرة والجديدة اللي بنتها الدولة ولسه بتبني فيها وحصول آلاف من المصريين بالفعل على شقق يعني المفروض الطلب يقل مش يزيد.. على رأي المثل إذا عرف السبب بطل العجب والسبب هنا هو زيادة عدد اللاجئين في مصر بشكل كبير جدا نتيجة الحرب في السودان والصراع في ليبيا وقبلها في سوريا وده زود الطلب بشكل كبير على العقارات سواء للتمليك أو الإيجار.

طيب تجار العقارات والسماسرة رأيهم ايه في استمرار ارتفاع أسعار العقار.. كلهم تقريبا أجمعوا إن الارتفاعات القياسية بأسعار صرف الدولار في مصر وقت الأزمة قفزت يأسعار جميع مواد البناء بنسب تجاوزت 100%، وفي وقت توقف البناء، وهنا سجل المعروض بعيدا عن المدن الجديدة يعني بنتكلم عن المناطق العادية انخفاض كبيرً مع زيادة أعداد اللاجئين السودانيين واللي اتسببوا بشكل مباشر في ارتفاع قيمة الإيجار وأسعار جميع الوحدات.
صاحب إحدى شركات التسويق العقاري في القاهرة، شايف إن  الأسعار ارتفعت في الفترة اللي فاتت بنسب كبيرة،  كنتيجة مباشر إلى زيادة الطلب اللاجئين ودخول شرايح جديدة للاستثمار في القطاع العقاري، بجانب زيادة أسعار مواد البناء، وبالتالي لن يتمكن أي مطور أو شركة تطوير بطرح الوحدات بأسعار أقل من تكلفتها.
طيب إيه توقعات سوق العقارات.. شوف الاسعار في سوق العقارات لسه هتزيد في الشهور الجاية وده لأنه في موسم الصيف من كل سنة بتزيد أسعار العقارات بالتزامن مع عودة شريحة كبيرة من المصريين العاملين في الخارج خلال موسم إجازة الصيف، وده معناه في النهاية  استمرار ارتفاع أسعار الوحدات خلال الفترة المقبلة.
عشان كده ده أنسب وقت تشتري فيه عقارات دلوقتي كاستثمار  طويل الأجل وتكسب لماتبيع بعدها وحسب الأرقام بقي شهد قطاع العقارات بداية من 2023 ولغاية شهري يناير وفبراير 2024 كان هناك طلب كبير ومتزايد على العقارات لكن مع حدوث التعويم  مارس اللي فات واستقرار العملة مبدئياً وكمان طرح شهادات بنكية بفوائد مرتفعة خلقت حالة من الهدوء فى الطلب وده امر طبيعى بيحصل نتيحة اقبال شريحة كبيرة من أصحاب السيولة المالية والمدخرات على الشهادات ذات الفوائد المرتفعة لكن في النهاية بتعود حالة الطلب  والرواج على العقارات مرة تانية خاصة مع إثبات قدرته على مدار السنوات اللي فاتت على الحفاظ على القيمة والارتفاع المتزايد في العائد والأرباح