الأحد 26 مايو 2024
رئيس التحرير
عمرو عامر
المشرف العام
عبدالعظيم حشيش
تحليل

الحق اشتري قبل العاصفة الكبرى.. الدهب رايح في حتة صعبة اوي.. واللي هيحصل السنة الجاية مفاجأة مدوية

الخميس 18/أبريل/2024 - 02:03 ص
الذهب
الذهب

 

فى الأيام الأخيرة بيعيش الدهب عالميا واحدة من أحلى الفترات وبيشهد سعر المعدن النفيس ارتفاعات هائلة مع استمرار التوترات السياسية والعسكرية فى كتير من مناطق الصراع حوالين العالم سواء فيما يتعلق بالصراع العربي الاسرائيلي ودخول ايران على خط المواجهة  أو الحرب الممتدة بين روسيا واوكرانيا أو حتى الصراع المكتوم بين امريكا والصين فى تايوان.. بس يا ترى ايه توقعات الدهب الأيام الجاية ؟ وسعر الجرام ممكن يوصل لكام ؟ واللى عاوز يشترى يشترى دلوقتى ولا يستنى شوية؟

 

فى اللحظات اغللى بنكلموا حضراتكم فيها دلوقتى بيواصل الدهب عالميا ارتفاعات غير مسبوقة واقترب سعر أونصة الدهب من المستويات القياسية اللي سجها نهاية الأسبوع اللى فات وبيستمر المعدن النفيس في الحفاظ على مكاسبه بدعم من التوترات الجيوسياسية اللي بتزيد الطلب على الدهب كملاذ آمن في الأسواق المالية

وسجل سعر أونصة الذهب العالمي أعلى مستوى 2410 دولار للأونصة قبل ما يعود إلى التراجع بنسبة 0.5% ليتداول  2378 دولار للأونصة فى الساعات الأخيرة

وبيأتي ده بعد ماارتفع سعر الدهب الفوري فى التعاملات الأخيرة بنسبة 1.7%، وكان سجل أعلى مستوى تاريخي يوم الجمعة اللى فاتت عند 2431 دولار للأونصة وبكده يكون الدهب  سجل ارتفاع من بداية شهر أبريل بنسبة 6.2% ودي واحدة من أعلى النسب فى الفترة الأخيرة.

وأدت المخاوف من سيناريو توسيع رقعة الصراع في الشرق الأوسط إلى زيادة الطلب على الدهب، الذلي بينظر ليه على أنه ملاذ آمن تقليدي بسبب استقرار أسعاره النسبي خصوصا في أوقات الاضطرابات العالمية.

طب وفقا للسيناريوهات دي .. الدهب رايح على فين؟

وفقا لتوقعات سيتي بنك وده واحد من أشهر البنوك الأمريكية من المتوقع وصولسعر الدهب إلى 3000 دولار للأونصة خلال فترة من 6 الى 18 شهر من دلوقتي يعنى بنتكلم فى زيادة حوالى 600 دولارفى الاونصة الواحدة

وايه تأثير ده على سوق الدهب فى مصر؟

طبعا هيكون ليه تأثير كبير على اسعار الدهب المتوقع ترتفع عندنا الى مستويات قياسية جديدة ممكن توصل من 4 الاف  جنيه الى 4 الاف ونص جنيهللجرام عيار 21 الأكثر انتشار فى مصر وده لأن سعر الدهب مربوط بسعر الدولار واى زيادة فى سعره عالميا هتنعكس على السعر المحلي

طب اللى عاوز يشترى .. هل يشترى دلوقتى ولا يستنى شوية ؟

النصيحة اللى نقدرنقولها لحضراتكم انه وفقا للمعطيات العالمية فاللى عاوز يشترى دهب لازم يعمل كده بأسرع وقت ممكن لأن الأسعار هتروح فى حتة صعبة أوي ومن دلوقتى والدهب فى منطقة كويسة فى حدود 3250 تقدر تشتري وتسيبه فترة مش أقل من سنة ووقتها لو حبيت تبيع هتحقق أرباح عالية جدا وفى نفس الوقت هتكون حافظت على قيمة مدخراتك وحميتها من التآكل