السبت 25 مايو 2024
رئيس التحرير
عمرو عامر
المشرف العام
عبدالعظيم حشيش
تحليل

مصر هتعملها ولا إيه؟.. حلم السيسي يقترب من التحقيق

الأربعاء 17/أبريل/2024 - 03:20 ص
الرئيس عبدالفتاح
الرئيس عبدالفتاح السيسي

 

من فترة قريبة كده الرئيس السيسي كان أعلن عن حلم كبير لمصر وهو الوصول بحجم الصادرات المصرية الى 100 مليار دولار سنويا وبالفعل الدولة شغالة على خطة لتعظيم الصادرات والوصول الى هدف ال 100 مليار خلال ال 5 سنين الجاية .. فيا ترى فعلا مصر تقدر تحقق 100 مليار دولار صادرات ولا الموضوع صعب ؟ وايه حجم الارقام اللى بنحققها دلوقتي ؟ وازاى ممكن نزودها ؟ زايه أبرز القطاع اللى بنصدر منها؟

 

فى الأزل كده وعشان نعرف اذا كان حلم ال 100 مليار دولار ممكن يتحقق فعلا ولا الموضوع صعب لازم نشوف احنا واقفين فين وممكن نوصل لإيه .. ووفقا للبيانات الرسمية الأخيرة ارتفعت صادرات مصر السلعية خلال الربع الأول من 2024 بنسبة 5.3 % ووصلت إلى 9 مليار و612 مليون دولار مقابل 9 مليارات و129 مليون دولار خلال الفترة نفسها من عام 2023 يعنى بزيادة حوالى 500 مليون دولار حسب تقرير صادر عن وزراة التجارة والصناعة .

وتضمن التقرير أكبر الأسواق المستقبلة للصادرات السلعية المصرية خلال الربع الأول من العام الجاري، وشملت تركيا بقيمة 874 مليون دولار، و المملكة العربية السعودية بقيمة 792 مليون دولار، والإمارات العربية المتحدة بقيمة 586 مليون دولار وإيطاليا بقيمة 544 مليون دولار، والولايات المتحدة الأميركية بقيمة 471 مليون دولار.

واستعرض التقرير أهم القطاعات التصديرية اللي شكلت هيكل الصادرات السلعية المصرية خلال الربع الأول من 2024  وتضمنت مواد البناء بقيمة مليار و958 مليون دولار، والصناعات الغذائية بقيمة مليار و546 مليون دولار والمنتجات الكيماوية والأسمدة بقيمة مليار و445 مليون دولار والحاصلات الزراعية بقيمة مليار و444 مليون دولار، والسلع الهندسية والإلكترونية بقيمة مليار و272 مليون دولار، والملابس الجاهزة بقيمة 673 مليون دولار، والغزل والمنسوجات بقيمة 273 مليون دولار، ومنتجات الطباعة والتغليف والورق والكتب والمصنفات الفنية بقيمة 244 مليون دولار، والصناعات الطبية بقيمة 156 مليون دولار، والمفروشات بقيمة 141 مليون دولار، والأثاث بقيمة 67 مليون دولار، والصناعات اليدوية بقيمة 52 مليون دولار، والجلود والأحذية والمنتجات الجلدية بقيمة 34 مليون دولار.

ومن أبرز بنود الصادرات اللي حققت زيادة في هيكل الصادرات السلعية المصرية خلال الربع الأول من 2024 الموالح الطازجة والمجففة بقيمة 625 مليون دولار، والأسمدة النيتروجينية بقيمة 421 مليون دولار والأسلاك والكابلات المعزولة بقيمة 339 مليون دولار وزيوت النفط بقيمة 317 مليون دولار، والذهب بقيمة 303 ملايين دولار.

السؤال المهم .. هل وفقا للأرقام دي فعلا ممكن نوصل لحلم ال 100 مليار دولار؟

بحسبة بسيطة كده فاحنا السنة دي باذن الله هنعدي ال 50 مليار دولار صادرات سلعية فى نهاية 2024 وممكن كمان نوصل لل 60 مليار دولار ولو خطة دعم الصادارات وفتح أسواق جديدة قدام المنتجات المصرية نجحت فاحنا ممكن بسهولة نضاعف الرقم ده خلال ال 5 سنين الجاية ونوصل لأكتر من 100 مليار دولار بس ده محتاج جهد جبار وتحركات قوية من الحكومة وتحديد القطاعات التصديرية اللى محتاجه دعم وتوفير التمويل اللازم ليها بكل الطرق