لو معاك دهب أو عاوز تشتري ومتندمش.. اعرف المفاجأة اللي هتحصل في الصاغة

معاك فلوس وبتفكر تشتري بيها دهب أو عندك جرامات كتير ومستني الوقت المناسب عشان تبيع.. شوف الفيديو دا واعرف السوق رايح على فين الأيام الجاية.. وكمان المفاجأة اللي هتحصل الأيام الجاية.. خليكم معانا للآخر

كلنا متابعين اللي بيحصل في سوق الدهب من قبل العيد ومش في مصر بس لكن في العالم كله وشفنا حالة عدم الاستقرار في الأسعار وبعدها شفنا القفزات الكتيرة للي بتحصل.. طيب ليه الدهب بيزيد في الشهر الأخير.. ببساطة الدهب سوق بيحكمه عالميا ومحليا عوامل كتير جدا أهمها سعر الدولار وأخطرها الحروب والمشاكل العالمية والأزمات الدولية ولو حاجة من دول حصلت يبقي اعرف وانت مغمض إن سوق الدهب هيولع والأسعار هتطلع السحاب ودا لأن الدهب زي ما احنا عارفين بردو هو الملاذ الآمن للدول والبنوك المركزية والأفراد كمان..
طيب ايه اللي بيحصل عالميا في السوق.. شوف حضرتك الدهب ماشي عكس الدولار في الأسعار يعني لو الأخضر نزل سعر الدهب هيرفع والعكس صحيح ودلوقتي الكلام والتوقعات بتقول إن الفدرالي  الأميريكي انتهي من مرحلة التشدد النقدي ورايح على سياسة تخفيض سعر الفائدة ولأن الدولار هو ملك العملات واللي الدهب بيتأثر بيه مباشرة فأسعار المعدن الأصفر قفزت بشكل كبير ووصلت 2400 دولار ولسه هيزيد أكتر وفيه توقعات قوية إنه يوصل حاجزالـ3ا آلاف دولار للأونصة ودي سعر قياسي عالمي في تاريخ الدهب.
ومن يوم الجمعة، اللي فاتت وأسعار الدهب بتقفز بشكل غريب جدا ووصلت لأعلى مستوياتها في السوق العالمية... طيب ليه قفزت بالشكل ده.. عشان حضرتك السبب التاني اللي قلنا عليه وهي الأزمات الدولية وشفنا التطورات الأخيرة في الشرق الأوسط والصراعات العسكرية اللي بتزيد في المنطقة ودي منتطقة حيوية جدا في العالم لأنها بتضم أهم خطوط التجارة والملاحة في العالم وموطن إنتاج النفط والغاز وأي توتر فيها بيسمع فورا في الأسواق الدولية..

طيب يعني الصورة سودا ولا فيه امل الأسعار تنزل.. للأسف الإجابة والتوقعات والبييانات والأرقام بتقول إن الدهب لسه هيرفع طول ما استمرت الأسباب اللي قلنا عليها سواء الخاصة بسعر الدولار أو المشكلات الدولية وضيف عليهم حجم الطلب العالمي والتحوط وقرارات الفدرالي المتوقعة وتأثر الأسواق التانية باللي بيحصل في المنطقة اللي حولينا وللأسف كل المؤشرات بتقول إن الدهب رايح لمستوة3 الاف دولار وامكن أكتر بسبب ضابية الأحداث في المنطقة والسياسات النقدية الأميرييكية المتوقعة.
طيب ايه اللي هيحصل في سوق الصاغة المصرية،.. زي ما قلنا الأسعار العالمية للدهب هي اللي بتأثر في كل الأسواق المحلية ومصر جزء من العالم والسوق واحد ومفتوح لكن سوق الدهب في مصر ليه خصوصية شوية وهي إن الأسعار بتزيد وتنزل بناء على مؤشرات تانية بجانب اللي قلنا عليه زي التخوف من صدور قرارات اقتصادية وهنا بيجصل طلب كبير جدا على الدهب زي ماكان يحصل قبل التعويم مثلا، وكمان حسب سعر الدولار في مصر اليومين دول لأن الدهب مرتبط بالعملة الخضراء زي ماقلنا.

طيب التوقعات بالنسبة للأسعار بتقول إيه.. لو فاكرين وهنا في بانكير لما قلنا إن الدهب هيفضل يصعد لغاية 3 الاف دولار وقلنا ساعتها ممكن العيار 24 يوصل 7 الاف جنيه بحسبة سعر الدولار والسعر العالمي وإن عيار 21 هيعدي الـ5 آلاف بدري وده مش كلامنا لكن كلام خبراء الدهب وقتها واللي بيتحقق دلوقتي ودي المفاجأة اللي قلنا عليها في بداية الفيديو .. لكن في النهاية السوق محكوم بالعرض والطلب والحالة الاقتصادية في مصر.
طيب ايه الوقت المناسب للبيع والشراء.. العقل بيقول إن لو حضرتك معاك دهب وشايله للزمن اصبر عليه شوية وبعدها بيع طالما الأسعار واخدة منحنى الصعود ولو عاوز تشتري فالنصيحة إنك تشتري دلوقتي حتي لو الدهب غالي لكن فلوسك هتزيد في الشهور والسنتين اللي جايين مع وصول المعدن الأصفر للذروة.

ارتفع سعر الذهب اليوم الإثنين 15 إبريل 2024، في محلات الصاغة المصرية، وقفز سعر جرام الذهب عيار 21 «بيع وشراء»، وأيضا سعر الجنيه الذهب بقيمة 280 جنيهًا، بالمقارنة بسعر الذهب أمس الإحد في مصر، بالتزامن سعر الدولار في البنوك المصرية والسوق السوداء، وسعر الذهب عالميًا خلال تعاملات البورصة العالمية.