الإثنين 27 مايو 2024
رئيس التحرير
عمرو عامر
المشرف العام
عبدالعظيم حشيش
تحليل

لو معاك دولارات.. إيه الفرق بين البنك والصرافة

السبت 13/أبريل/2024 - 11:21 م
الدولار
الدولار



ناس كتير لما يكون معاها دولار بتحتار تروح البنك ولا الصرافة.. هنقولك تعمل عشان متحترش كتير.

أولا لازم نبقي عارفين إن شركات الصرافة اللي في البلد كلها مترخصة وعليها رقابة وبتورد فلووس وعملات للبنوك وفيه كتير منها أصلا تابع لبنوك كبيرة يعني التعامل فيها بيكون بامان وبتاخد وصل ومفيش أي مخالفة قانونية لو تعاملت فيها طالما انت فلوسك سليمة.
لما هي كده ايه الفرق بين الصرافة والبنك.. تقدر تقول كده إن شركات الصرافة بتسهل شوية عمل البنوك من ناحية الانتشار مثلا لان فروع الصرافة كتيرة وفي كل المراكز والقرى الكبيرة كمان، وغالبا السعر فيها بيكون زيادة قرش ولا قرشين بالكتير عن البنك والصرافة اللي تبع البنوك بترجع تورد للبنك بتاعها والشركات التانية الخاصة بترجع بردو تورد لبنوك أو هيئات معروفة وتبقي الدولة عارفة الفلوس جاية منين ورايحة منين.
على ذكر شركات الصرافة فيه عمليات تلاعب بتحصل كتير لمواطنين عاديين إنه حد يقولك أأنا أعرف صرافة بتغير بأعلي سعر مقابل نسبة ويروح فعلا يغيرلك وهتكتشف في الأخر إن السعر اللي غيرك بيه الدولارات أو اي عملة تانية هو نفسه السعر الرسمي في الصرافة في يومها لأن الصرافة زي ماقلنا مرتبطة بالبنوك بشاشات والأسعار بتتغير كل شوية ومش هينفع يكون فيه فرق كبير في الاسعار بين الصرافة والبنوك وإلا يبقي كده بنستنسخ السوق السودا للدولار بس بشكل مختلف وزي ما قلنا الصرافة بتساعد البنوك مش بتنافسها.
الأفضل ليه بقي إنك لو هتروح تغير من الصرافة يبقي معاك حد فاهم عشان ممكن لو مبلغ كبير الشخص الموجود ساعتها ممكن يتلاعب في السعر مثلا أو يقولك سعر اقل عشان هو يستفيد بالفرق وعشان كده لازم تسأل في أكتر من شركة صرافة لما تروح تغير عملة والقرش الزيادة أنت أولى بيه.. جايز عند باب الصرافة يقابلك واحد ويقولك سيبك من الصرافة أنا هغيرلك بزيادة نص جنيه مثلا متروحش معاه خالص لأنه أكيد حرامي عشان مفيش سوق سودا دلوقتي.