الثلاثاء 28 مايو 2024
رئيس التحرير
عمرو عامر
المشرف العام
عبدالعظيم حشيش
شمول مالي

إزاي تهرب من الديون اللي عليك مرة واحدة

الأحد 14/أبريل/2024 - 01:02 ص
الديون
الديون



كلنا بتنزنق وبنضطر أحيانا نستلف فلوس من أصحابنا وقرايبنا وبتبقي الديون بعد فترة مشكلة كبيرة.. إزاي تتخلص من ديونك وكمان يكون عندك مشروع تحسن بيه دخلك... ده السؤال المهم في الفديو ده.. والإجابة عليه سهلة خالص وهي إنك تاخد قرض شخصي من أي بنك بس قبل ماتاخد القرض لازم يكون عندك خطة لاستغلاله قبل ما تصرفه في حاجة ملهاش لازمة ويبقي زودت مشكلتك ومحلتهاش.
أول حاجة لازم تعملها إنك تفكر في المشروع اللي ممكن تعمله بالقرض مباشرة عشان تحفظ الفلوس الأول وعشان تحلق تشغلها وتسدد أقساط القرض وديونك وعلى فكرة تسديد الديون هيكون من أرباح المشروع مش من أصل القرض عشان تستفيد بكل جنيه في القرض.

بعد ما تختار المشروع ابدأ في التنفيذ فورا عشان الوقت مش في صالحك وتحلق تاخد من وراه مكسب وتسدد اللي عليك وبخصوص القرض الشخصي أو قرض المشروع فكل البنوك تقريبا بتدي قروض شخصية وبتوصل قيمته ل3 مليون جنيه في البنك الاهلي مثلا يعني مش هيكون فيه مشكلة
أما بخصوص الأوراق المطلوبة للقرض الشخصي من البنك الأهلي او بنك مصر فهي سهلة  زي  خطاب معتمد من جهة العمل موضح فيه الدخل الشهرى وتاريخ التعيين وكمان تعهد جهة العمل بتحويل المرتب أو القسط للبنك حتى الانتهاء من سداد القرض وصورة بطاقة الرقم القومي الساري.

وفيه شوية اجراءات بسيطة بيعملها البنك قبل ما يسلم يسلمك القرض اهمها الاستعلام الائتمانى عن العميل ومعرفة تاريخ تعاملاته مع البنوك ومدى التزامه بسداد أى التزمات عليه قبل كده مع البنوك وإذا كان أول مرة تاخد قرض فالاجراءات بتكون أسهل من كده والقرض بيكون بضمان الوظيفة أو اي ممتلكات وبعدها بتصرف القرض وبعد ماتشغله في مشروعك هتلاقي الدنيا اختلفت معاك تماما وهتعرف تسدد ديونك وكمان هتاخد أرباح وتضمن دخل ثابت.