الإثنين 27 مايو 2024
رئيس التحرير
عمرو عامر
المشرف العام
عبدالعظيم حشيش
منتجات وخدمات

عربيتك في بنك مصر.. نص ساعة تخلص إجراءات القرض وتاخد المفتاح

الأحد 14/أبريل/2024 - 02:40 ص
بنك مصر
بنك مصر



بتفكر تشتري عربية ومحتار في تمنها .. أو مش عارف تجيب قرض وتشتريها من إنه بنك.. وعاوز تعرف الشروط وقيمة القرض وأسئلة كتير.. هنجاوبك عليها كلها في هذا التقرير.
 
اغلب البنوك بتوفر قروض سيارات لعملائها لكن في بنك مصر  هتلاقي مجموعة من برامج التمويل لشراء سيارات جديدة بفترات سداد  بتوصل ل8 سنين، ومعدلات فايدة أقلها 16.5% وأقصاها 17.5%.
وأخيرا بدأ سوق السيارات يتحرك شوية بشوية بعد توقف أكتر من سنتين وده بعد تعويم الجنيه واختفاء السوق السوداء للدولار وفيه شركات كتير أعلنت تخفيض أسعار  طرازات كتير من السيارات وصلت  500 و750 ألف جنيه ولسه السوق محتاج شوية وقت وهيرجع بكامل قوته وكفاءته والاسعار هتنزل اكتر من كده.

المهم نرجع لقرض  بنك مصر وبنقولك إنه بيوفر إمكانية شراء السيارة بتمويل 100% من قيمتها يعني لو بمليون جنيه هتاخد المليون لموظفي الحكومة قطاع حكومي أو قطاع عام والمحولة رواتبهم على البنك. بصورة بطاقة الرقم القومي وفايدة 17% ومدة سداد حتى 8 سنين زي ماقلنا وبدون حظر بيع أو تأمين، أو استعلام عمل وسكن

كمان البنك  بيمول موظفي الشركات المكودة واللي اتحول مرتباتهم على البنك بنسبة 80% من قيمة السيارة، وتصل مدة السداد إلى 7 سنين باستثناء السيارات الصينية أقصاها 6 سنوات.

ولو بتسأل علي الشروط فالبنك بيطلب صورة بطاقة الرقم القومي وإثبات دخل، بالإضافة إلى فرض رسوم استعلام عمل وسكن، وتبلغ الفائدة 17.3% ومصاريف إدارية 1.25%.

أما أصحاب المعاشات اللي اتحولت رواتبهم على البنك هما كمان يقدروا يتقدموا بطلب تمويل لغاية 80% من قيمة السيارة بصورة البطاقة وسرك معاش، ولكن بحد أقصى 3 سنوات للسداد وبفائدة 16.5%.

وبالنسبة للموظفين غير المحولة رواتبهم على البنك أو التجار المستهدفين يقتصر قيمة التمويل على 40 أو 50%، وبيفرض على السيارة حظر بيع وتأمين بفائدة 17% وحد أقصى للسداد 6 سنين.

واستثنى بنك مصر من تمويل شراء السيارات أصحاب عدد من المهن أبرزها مالكي وموظفي الملاهي الليلية و ملاك الأكشاك  وغير العاملين "متقاعد أو ربة منزل"  كمان العمال والفنيين - الجزارين  وأطقم المطاعم .. ولاي يقبل  البنك كمان المحامين والصحفيين كمهن حرة بجانب - الكوافير - سائقي التاكسي - تجار الخضار والفاكهة "ما عدا تجار الجملة وأصحاب الثلاجات" لاعبي كرة القدم - الأجانب - مالكي شركات تأجير السيارات