امتى هتوصل فلوس صندوق النقد والاتحاد الاوربي؟
الخميس 11/أبريل/2024 - 02:21 ص
هو فلوس صندوق النقد اللى مصر اتفقت عليه هتوصل امتى وباقي فلوس صفقة راس الحكمة هي كمان هتوصل امتى؟
زي ما كلنا عارفين مصر والامارات اتفقوا على صفقة تطوير راس الحكمة فى فبراير اللى فات بقيمة اجمالية 35 مليار دولار استلمت منهم مصر لحد دلوقتي 10 مليار دولار وبقاى 25 مليار هتستلمهم الحكومة فى بداية مايو وفقا لتصريحات رئيس الوزراء مصطفى مدبولى
أما فلوس صندوق النقد الدولى ضمن برنامج التمويل البالغ 8 مليار دولار فهيتم صرفها على شرايح تباعا واول شريحة جاية هتكون فى شهر يونيو بعد اجراء مراجعة جديدة لبرنامج الاصلاح اللى بتنفذه مصر.
