السبت 25 مايو 2024
رئيس التحرير
عمرو عامر
المشرف العام
عبدالعظيم حشيش
شمول مالي

فلوسك هتضيع.. حاجات لازم تاخد بالك منها عند استخدام بطاقات البنك الأهلي

الإثنين 08/أبريل/2024 - 02:01 ص
بطاقات البنك الاهلي
بطاقات البنك الاهلي المصري

 

لو انت عميل للبنك الاهلى الفيديو ده يهمك جدا .. وفيه هنقولك ازاي تحافظ على فلوسك من الضياع؟ وايه الطريقة الفضل لاستخدام بطاقات البنك الهلي بصورة صحيحة؟ وازاى تحمي نفسك من الاعيب النصابين والهاكرز؟

 

فى الفترة الأخيرة انتشرت بقوة عمليات النصب على عملاء البنوك من خلال سرقة البيانات الشخصية والأرقام السرية للحسابات وسحب ملايين الجنيها من أرصدة العملاء من غير علمهم وعشان كده البنك الأهلي المصري حذر  عملائه عبر الموقع الرسمي من مشاركة البيانات الخاصة بالبطاقة البنكية أو الرقم السري (OTP) مع أي شخص أيا كان هو مين

وأرسل البنك الأهلي المصري رسالة للعملء قال فيها نصًا: «متديش بياناتك الشخصية أو بيانات حساباتك أو كارتك أو رقمك السري (كلمة السر، كلمة السر لمرة واحدة (OTP)، الأرقام السرية خلف الكارت البنكي) لأي شخص أو أي جهة واحذر من أي حد يطلبهم منك لأن غالبا ده نصاب وبيحاول يسرق فلوسك.

وفى الفيديو ده هنقولك على أهم النصائح لعدم التعرض للسرقة أو مواجهة أى  مشكلة لحماية بيانات البطاقة البنكية الخاصة بالعميل بحسب البنك الأهلي المصري.

واول حاجة لازم تعملها هو انك تحافظ على البيانات السرية ومتديهاش لأي حد يطلبها منك سواء عبر الهاتف أو عن طريق البريد الإلكتروني، ولو اتعرضت لموقف مماثل زي ان حد تواصل معاك بأى وسيلة وطلب منك بيانات خاصة وسرية وادعى انه تبع البنك بتاعك لازم فورا تبلغ خدمة العملاء وتزودهم بالبيانات الخاصة بالشخص المدعي زي رقم التلفون اللى كلمك منه او الايميل او رقم الواتس اب او اى وسيلة تساعد فى التعرف على هوية الشخص ده.

وخد بالك اوهعا تشارك رقم البطاقة أو تاريخ انتهاء الصلاحية أو الـ 3 أرقام السرية المتواجدة فى ضهر البطاقة مع أي شخص وفي حال الشراء من خلال الإنترنت اوعا تشارك كلمة السر (OTP) اللى بتستخدم مرة واحدة واللى بيرسلها البنك على هاتف العميل  في رسالة نصية ولازم تتأكد انك مش مفعل خيار التجديد التلقائي لاشتراكات تطبيقات مشاهدة الافلام والمباريات وغيرها لأنك بكده بتدى اذن للشركة او صاحب التطبيق انه يجدد الاشتراك من نفسه من غير ما يرجعلك ولا ياخد رايك او اذنك.