الأحد 14 أبريل 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

عظمة بتحصل في منطقة القنال.. استثمارات ضخمة وصفقات تقلب الموازين

السبت 30/مارس/2024 - 03:00 ص
الدولار
الدولار



هو ايه اللي بيحصل في منطقة قناة السويس وإيه حكاية المشروعات الضخمة هناك وإيه كمان قصة الصفقات اللي هتقلب موازين التجارة الدولية.. تعاولو نشوف
 


من شهور قليلة المنطقة اللي حولين قناة السوبيس كانت رمل وصحرا وبتسرح فيها الجمال وكانت مفهاش حياة لكن بعد فتح هويس التطوير في المنطقة ومد شبكات البنية الاساسية من طرق دولية ومحاور ومواني وسكة حديد وكل ده تم في شهور لكن المصريين هما اللي اخترعوا المعجزات واللي بيحصل دلوقتي في منطقة قناة السويس عظمة  وحضارة صناعية جديدة وكفابة تعرف إن المنطقة وهي لسه بتقول ياهادي استتقبلت  حوالي 3 مليار دولار استثمارات خلال 9 شهور بس ودي مجرد بداية.
ليه بنقول إن دي مجرد بداية.. شوف حضرتك لو فتحت جوجل ماب من موبايل وكتبت المنطقة الصناعية الجديدة في قناة السويس هتعرف ليه هي هتكون من أهم المشروعات في العالم وده بسب موقعها الفريد جدا جدا وليه لأ وهي على مدخل أهم مجرى تجاري وملاحي في العالم وفي نفس الوقت جمبها أهم مواني محورية في العالم وهو مينا بورسعيد المحوري والإسكندرية ومحطة تحيا مصر ومواني السخنة وغير ده كله المنطقة في قلب خطوط تقاطع التجارة الدولية وكمان قربها من الاسواق الأسيوية والأوربية بيمنحها ميزة إضافية.

على حسب الهيئة الاقتصادية لقناة السويس تم التعاقد على 127 مشروعًا في المناطق الصناعية والموانئ جاري تنفيذها، وهتوفر أكتر من 22 ألف فرصة عمل مباشرة وغير مباشرة بخلاف إنه في الفترة من يناير 2024 وحتى الآن، شهدت وحدها التعاقد مع 37 مشروع متنوع بتكلفة استثمارية بلغت 894 مليون دولار، حصل 13 مشروعًا منها على موافقة نهائية، و24 مشروعًا على موافقة مبدئية.

طيب ايه هي نوع المشرعات في منطقة قناة السويس.. شوف حضرتك لأنه بحكم موقع المنطقة على خطوط التجارة العالمية فمعظم الصناعات بتكون موجهة للتصدير ومنها على سبيل المثال مشروعالزجاج المسطح، وإنشاء مجمع صناعي للبروم والمعالجة العميقة ومجمع صناعات الحديد والفولاذ بالمنطقة الصناعية بالإسماعيلية شرق (وادي التكنولوجيا)، وإقامة مجمع صناعي متخصص في صناعات الحديد والصناعات التكميلية بمنطقة العين السخنة، وده غير مشروعات الهيدروجين الأخضر بالمنطقة الاقتصادية، وموقف تموين السفن وتقديم الخدمات البحرية.
الجديد بقي إن فيه صفقات ضخمة في منطقة قناة السويس وهتكون في مجال الطاقة النظيفة وإنتاج الهيدروجين وحسب المعومات هتكون الاستثمارات فيها بالمليارات وهيتم الاعلان عنها قريب جدا.