السبت 20 أبريل 2024
رئيس التحرير
عمرو عامر
المشرف العام
عبدالعظيم حشيش
تحليل

بإيجار 1200 جنيه بس.. الحق استلم شقق بشكل فوري من صندوق الإسكان الاجتماعي

الإثنين 25/مارس/2024 - 02:40 ص
شقق محدوي الدخل
شقق محدوي الدخل

مين فينا مش نفسه في شقة تلمه مع اهله وعياله، وتكون سكن لهم من برد الشتاء وحر الصيف، يتلم فيها هو وعياله وترحمه من تحكم اصحاب البيوت وبهدله الايجارات والاسعار اللي كل شهر بترفع علي حسب مزاج المالك، وارتفاع أسعار التمليك الغالبية بتتجه للايجار، بس انا دلوقتي هقولك علي مكان ايجاره في المعقول وعلي قد الايد ومكان جاهز وانت هتكون اول ساكن وبايجار ثابت بدون زيادة.

صندوق الإسكان الاجتماعي حاليا بتستعد لطرح شقق سكنية بنظام الايجار قدام المواطنين الراغبين في الحصول علي سكن بالايجار واللي مش معاهم المقدرة انه يشتروا شقق سكنية بسبب الظروف المالية الصعبة اللي بتمر بيها كثير من الاسر المصرية.
طيب اية نظام الشقق الجديدة اللي هتطرحها وزارة الاسكان والمرافق العمرانية بنظام الايجار دي؟.
صندوق الإسكان الاجتماعي حاليا بيستعد لطرح 1000 شقة سكنية بنظام الايجار في 3 مناطق مختلفة وده بهدف توفير شقق سكنية بشروط ميسرة للشباب المقبلين على الزواج ضمن برامج الوزارة لتوفير سكن أمن لمحدودي الدخل ضمن سكن لكل المصريين، ودي هتكون مناسبة لطبقات كبيرة من المواطنين وخصوصا اخواتنا العمال اللي شغالين في المصانع والمناطق الصناعية، وهيبدا الصندوق طرح الشقق دي قدام الراغبين في الحصول عليها قبل نهاية مارس الجاري .
طيب فين المحافظات اللي هيتم طرح الشقق دي ؟.
صندوق الإسكان الإجتماعي حدد المحافظات اللي هيتم فيها الطرح الجديد لشقق الايجار وهيا محافظات بني سويف والشرقية والمنوفية وفي الوقت القادم هيتم طرح شقق جديدة في محافظة الجيزة .
اما عن مواصفات الشقق دي فصندوق الأسكان الإجتماعي حددظ المدة الإيجارية للوحدات السكنية لمدة 7 سنين، ويمكن للمواطنين تجديد المدة حسب رغبة العميل، خصوصا ان التقديم علي  الوحدات بيكون بدون دعم نقدي وبالقيمة الإيجارية.

عن عن القيمة الايجارية فالصندوق بردوا، حدد الايجار بـ1500 جنيه للوحدة السكنية مساحة 90 متر مربع، و 1200 جنيه للوحدة السكنية بمساحة 75 متر مربع، وان الايجار هيشمل مصروفات الإدارة والتحصيل والصيانة، وهيزيد الايجار بنسبة7% سنويًا، وبيكون سداد قيمة الايجار الشهري بما يقدر 25% من الدخل الشهري، والصندوق هيغطي المبلغ المتبقي كدعم نقدي للمواطن وبيكون سداد مقدم حجز الوحدة السكنية بواقع 3 أشهر من القيمة الإيجارية للوحدة، ويمكن للمواطنين استرداد المقدم وقت انتهاء مدة الإيجار.
طيب اية هيا الاوراق المطلوبة من المواطنين اللي عايزين يحجزوا الوحدات دي؟.
صندقوق الإسكان الإجتماعي حدد شوية اوراق وشروط للمواطنين للدخول في القرعة وهيا صورة بطاقة الرقم القومي، وصورة من المؤهل الدراسي وصورة من شهادة الميلاد وصورة من كشف حساب بنكي وصورة من مستند إثبات الدخل، ويكون الحد الأدنى للدخل الشهري للأعزب 2500 جنيه، والحد الأقصى للدخل 6000 جنيه للفرد، و8000 جنيه للأسرة، وبيكون فيه منح الأولوية للمتزوجين اللي بيعلوا أسرة، وبعدين المتزوجين، واخيرا الغير متزوجين، ويكون استخدام الوحدة السكنية لأغراض السكن فقط، ولازم تكون الوحدة السكنية مقر إقامة رئيسي خلال فترة الإيجار، ولا يحق للمتقدمين الحصول على دعم نقدي في حالة ان يكون سبق لهم الاستفادة من برنامج الإيجار أو يمتلكون وحدة سكنية.