اللعب على تقيل في المنطقة..مشروع صيني في مصر هيقلب الموازين
اوعى تفتكر أن الاتحاد الأوربي والدول العربية الشقيقة هما بس اللي عينهم على الاستثمار في مصر واقتناص الفرص الاستثمارية الواحدة في السوق.. لأ .. ده تقريبا كل الدول حريصة على ضخ استثمارات مباشرة في السوق المصري بعد إصلاح تشوهات سوق صرف العملات الأجنبية وتوحيد سعر الصرف.. وفي الساعات الأخيرة تم الإعلان تفاصيل مشروع صيني ضخم في مصر هيقلب الموازين وهيوفر آلاف فرص العمل وكمان هيكون مصدر من مصادروالعملة الصعبة لان إنتاجه هيتصدر جزء كبير منه للخارج.. فيا ترى ايه هو المشروع الضخم ده ؟ وازاي هيفيد مصر ؟ ومكانه فين ؟
السفير الصيني بالقاهرة ليا ليتشيانغ، أعلن مؤخرا أن أن الصين بتستعد لنقل خبراتها لمصر من خلال تنفيذ مشروع صناعي تجاري لوجستي ضخم هيكون أكبر استثمار صيني في المنطقة العربية كلها، مع تأكيده على أن الاستثمارات الصينية في مصر هي الأسرع نموا كون الصين أكبر شريك تجاري لمصر.
ورغم ان السفير الصيني ما اعلنش عن حجم تلك الاستثمارات الجديدة في مصر الا ان التسريبات بتتكلم عن استثمار ضخم بمليارات الدولارات.
السفير الصيني قال ان مصر بتملك الإمكانيات والموارد الصناعية اللي بتؤهلها لتصبح من الرواد الصناعيين في المنطقة.
طب ايه هو المشروع الضخم اللي هتعملوا الصين في مصر؟
فيه اهتمام كبير من التنين الصيني بإنشاء منطقة صناعية متكاملة في مصر هتتضمن العديد من الصناعات الاستراتيجية واللوجستية اللي تؤهلها للتصدير وزيادة معدلات صادراتها سواء للصين أو الدول التانية بالاضافة لملايين فرص العمل اللي هيوفرها المشروع للمصريين.
ووفقا للاتفاق بين الحكومة المصرية والجانب الصيني هيتم إنشاء منطقة صناعية صينية على البحر المتوسط هتشتمل على جزئين منطقة صناعية تقليدية ومنطقة تانية متخصصة في الصناعات التكنولوجية ذات القيمة المضافة العالية الأمر اللي هيساهم في نقل الخبرات وتوفير أحدث التكنولوجيات للعمالة وجعل مصر محور صناعي وتصديري للمنتجات الصينية.
والمنطقة الجديدة هتكون أولى ثمار انضمام مصر لتجمع البريكس ومن خلالها هيتم ضخ استثمارات كبيرة في السوق خلال المرحلة الجاية ..والمميز فس الموضوع أن استثمارات أجنبية مباشرة يعني تشغيل كمالة وتوفير سيول.ة دولارية وشهادة ثقة في اقتصاد مصر وقدرته على النهوض ومواجهة التحديات والأزمات
والصادرات اللي هتطلع من المنطقة المقترحة هتستفيد من منظومة الاتفاقيات التجارية اللي بتربط مصر بعدد كبير من الدول والتكتلات الاقتصادية الرئيسية حول العالم وفي مقدمتها اتفاقية الشراكة بين مصر والاتحاد الأوروبي وكمان اتفاقية الكويز اللي بتسمح بنفاذ الصادرات المصنعة في مصر لأسواق الولايات المتحدة الأمريكية دون رسوم جمركية.
ووفقا لكتير من خبراء الاقتصاد فانشاء المنطقة الصناعية الصينية هيحقق مكاسب متعددة للاقتصاد الوطنى وفى مقدمتها تلبية احتياجات السوق المحلى من مختلف السلع والمنتجات الصناعية ومضاعفة الصادرات المصرية من المنتجات والسلع الصناعية.
