الأسعار الجديدة لرسوم جوازات السفر.. شوف إيه الإجراءات

كل الناس بتسأل علي الزيادات الجديدة اللي اقرتها الحكومة علي اسعار استخراج جوازات السفر، ..يا تري رسوم عمل جوازات السفر بقت كام.. واية هيا اجراءات والاوراق اللازمة لاستخراج جوازات السفر.

في الأيام اللي فاتت الرئيس عبد الفتاح السيسي، صدق على القانون رقم 16 لسنة 2024 بتعديل بعض أحكام القانون رقم 97 لسنة 1959 في شأن جوازات السفر، ونصت المادة الأولى من القانون على أن استبدال نص الفقرة الأولى من المادة رقم 8 من القانون رقم 97 لسنة 1959 واللي بتنص علي شكل جواز السفر ومدة صلاحيته ومواصفاته وقيمة الرسم بتاعته بما لا يجاوز ألف جنيه ده غير الرسوم المقررة بالقوانين التانية .
قرار رئيس الجمهورية جه بعد ما مجلس النواب وافق على قانون مشروع قانون مقدم من الحكومة بتعديل بعض أحكام القانون رقم 97 لسنة 1959 في شأن جوازات السفر، واللي استهدف زيادة الحد الأقصـى للرسـم المنصوص عليه في المادة رقم 8 من القانون رقم 97 لسنة 1959 بشـأن جوازات السفر ليصبح بما لا يجاوز ألف جنيه بدلا من 250 جنيه لمواجهة الزيادة الحالية في الأسعار واستيعاب أي زيادة مستقبلية.

طيب ليه الحكومة قررت رسوم استخراج جوازات السفر؟.
الحكومة قالت أن زيادة رسوم استخراج جوازات السفر في ضوء الالتزامات بالمواثيق والاتفاقيات الدولية اللي حددت طرق تأمين وثائق السفر، وده اللي ادي لاجراء تعديلات دورية على علامات تأمين الجوازات .
النائب أحمد صالح، عضو لجنة الدفاع والأمن القومي بمجلس النواب، قال أن مشروع تعديل قانون جوازات السفر جاي بهدف تحقيق الحماية المالية لموازنة الدولة عن طريق تقليل الخسائر الناجمة عن التقلبات في أسعار الصرف لإصدار جواز السفر الالكتروني بما يتوافق مع المعايير العالمية الجديدة ومتطلبات منظمة الطيران المدني الدولي لتوفير أمان أفضل وفعالية كبيرة في مكافحة التزوير لجوازات السفر.
طيب اسعار استخراج جوازات السفر الجديدة هتوصل لكام بعد القرار الاخير ده هتوصل كام؟.
بعد قرار رئيس الجمهورية بتعديل رسوم استخراج جوازات السفر، هتوصل تلفة جوازات السفر الي 900 جنيه بخلاف الرسوم المقررة بالقوانين التانية واللي بتدخل في استخراج جوازات السفر، والمواطن يقدريحصل عليه المواطن بعد 3 أيام من التقديم، وبتوصل اسعار استخراجا السفر المستعجل هتوصل لـ 1450 جنيها بخلاف الرسوم المقررة في القوانين التانية، والمواطن يقدر يحصل عليه في نفس اليوم.
طيب اية الاوراق المطلوبة لاستخراج جوازات السفر؟.
لو انت هتطلع جواز سفر لأول مرة، فوزارة الداخلية حددت شوية اوراق لازم تجهزها علشان تطلع جواز سفر زي بطاقة الرقم القومي وتكون سارية، وبتقدم صورة منها بالاضافة للاصل علشان الموظف يطلع عليها، و 4  صور شخصية 4×6 خلفيتها بيضاء، ومستند للولاد فقط بيحدد الموقف المتقدم من التجنيد، حتى يتمكن الشخص من استخراج جواز السفر، وصورة من المؤهل الدراسي في حالة عدم إثبات المهنة في البطاقة مع اطلاع الموظف على الأصل، وهى إحدى الأوراق الأساسية علشان تحصل علي جواز السفر.