الأحد 26 مايو 2024
رئيس التحرير
عمرو عامر
المشرف العام
عبدالعظيم حشيش
تحليل

عالم الدولار السري في مصر.. كواليس مغارات المال المخفية

الأحد 17/مارس/2024 - 12:20 ص
الدولار
الدولار



ياترافيه كام مليار دولار مخفية في مصر وايه مصادرها وازاي الدولة بتبش عشان تضبطها وايه هي حكاية مغارات الدولارات المخفية في البلد ومين صاحبها.. هنعرف كل ده في الفيديو اللي بتشوفوه دلوقتي خليكم معانا للآخر

 حضرتك عندك خلفية إن مصر فيها مليارات الدولارات المستخبية دلوقتي في المغارات والمخازن والأعيان وصحابها مش قادرين يطلعوها ولما حاولو تم ضبطها في قضايا غسل أموال لأن الداخلية مفتحة عينيها كويس اووي اليومين دول وشفنا ازاي عصابة تجارة العملة اللي حاولت تغسل 400 مليون جنيه اتمسكت ازاي بعد ما اشتروا بيها عقارات ومحلات ومعارض وأراضي .

طيب الدولارات السرية مصدرها ايه.. في الغالب أي أموال يتكون مستخبية بيكون مصدرها غير مشروع يعني جاية من تجاره مشبوهة القانون بيعاقب اللي ييشتغلها زي تجارة العملة خارج النطاق المصرفي أو بعيد عن البنوك وزي تجارة الممنوعات بكل أشكالها وفيه دولارات بتكون حصيلة عمليات وجرائم تهريب وفيه دولارات ودي جت في الفترة اللي مصر كانت بتواجه فيها مشاكل كبيرة بهدف تمويل لعمليات وأنشطة لتخريب البلد ونشر الفوضى فيها وهي دولارات تمويل الإرهاب والمخططات زي اللي حصل بعد أحداث 2011 في البلد وخدت شكل جديد في الأزمة الأخيرة وبقت تمول الإرهاب الاعلامي على الدولة والتحريض والموضوعات والتقارير المشبوهة والموجهة لضرب الاقتصاد المصري والنفخ في النار ،. وفيه كمان الدولار المجمد والممنوع من التداول واللي ظهر عمليات النصب في السوق السوداء في الفترة اللي فاتت.

اغلب الدولارات المستخلصة دلوقتي هي دولارات التجارة في السوق السودا واللي أصحابها كانوا بيضاربوا بيها في السوق من حوالي سنة وعملت مبالغ ضخمة بسبب فرق الأسعار قبل قرار البنك المركزي بتحرير سعر الجنيه ومع الضربات الأمنية القوية على كل مصادر الدولار المشبوه التجار مقدروش يطلعوا الدولار في أي نشاط في البلد لأن الداخلية وأجهزة الرقابة صاحية جدا ويتابع اي نشاط جديد مش منطقي في السوق ومش عارفين يعملوا إيه لأن خسارتهم كل يوم بتزيد لأن الدولار بقي حر وسعره بينزل في البنوك كل يوم عن التاني.
طيب ياترى حجم الدولار اللي مستخبي في مصر كام.. شوف حضرتك عشان هو دولار مشبوه صعب جدا يكون ليه أرقام دقيقة لكن خبرا المصارف والاقتصاد قدروا حجم الدولار اللي كان بيتداول في السوق السوداء بحوالي 50 مليار دولار وده غير  مصادر الدولار التانية المشبوهة واللي قلنا عليها.