بنظام الإيجار المدعم زي التمليك.. مفاجأة الحكومة هتسكنك ببلاش

نفسك يكون عندك شقة بس مش معاك المقدم بتاعها وفي نفس الوقت عاوز تترحم من صاحب البيت اللي ساكن عنده بالإيجار وكل شوية يرفع في الإيجار واللي حكم في ملكه ماظلم..  خلاص ياسيدي الحكومة حلت الأزمة وبدل ما تسكن عند الناس هتسكنك عندها وفي شقة زي التمليك وفي مكان راقي وفيه كل الخدمات.. تعالي نشوف إيه الحكاية
 

طبعا ناس كتير عارفة إن الدولة قررت تدي شقة لكل مواطن يحجز وده بعد إطلاق الرئيس السيسي العنان لبرنامج الاسكان في مصر والقضاء على أزمة السكن اللي عانت منها البلد لسنين طويلة وشفنا الاعلانات اللي نزلت من وزارة الإسكان وآلاف المواطنين خدو وحدات وشقق ولسه المشروعات شغالة في كل مكان واللي عاوز سكن هياخد وحسب إمكانياته سواء متميز وفاخر أو متوسط او حتي محدود الدخل واللي الدولة بتعمله مشروعات اسكان مدعمة..

لكن الجديد إن الرئيس السيسي ادي تعليمات وأوامر جديدة للحكومة للتخفيف عن الناس اللي ساكنة بالإيجار واللي ييشتكوا من طمع أصحاب العقارات إن الحكومة توفرلهم شقق للإيجار المدعم يعني هيكون ايجار في متناول الايد وهو
1200 جنيه ايجار شهري للشقة 75 متر و1500 جنيه ايجار شهري للشقة 90 متر ومن غير اي مفاجآت أو تهديد بالطرد  وده بعد اعتماد قرار مجلس إدارة صندوق الإسكان الاجتماعي ودعم التمويل العقاري والشروع في إطلاق مشروع تجريبي "أولي" للإيجار، تنفيذ  لتكليفات الرئيس عبد الفتاح السيسي، بهدف تقديم وحدات سكنية بقيمة إيجارية مدعومة والنظام الإيجار الجديد هيكون في  مشروعات  سكن كل المصريين في 4 محافظات كبداية وهي المنوفية، الجيزة، الشرقية، بني سويف.
ومقترح المشروع التجريبي الأولي هيبدأ ب1000 شقة  في 4 محافظات وهيوصل إلى 30 ألف وحدة سكنية من وحدات مشروع سكن كل المصريين الجاهزة للتسليم بعدد من المحافظات، والتقديم هيكون ضمن نظام الكتروني جديد لبرنامج الإيجار تحديدا يعني هيكون ليه طريقة مخصوص للتقديم عليه .. طيب امتي الاعلان هينزل للحجز في نظام السكن بالإيجار المدعم.. حسب تأكيد  وزارة الإسكان،  من المتوقع  طرح شقق الإيجار للأشخاص ذوي الدخل المحدود في شهر مارس الحالي وهيتم طرح الشقق حسب ضوابط واشتراطات هيتم الإعلان عنها في بيان وبخصوص المساحات فهتتراوح بين 75 متر مربع و 90 مترًا للشقة.
والحد الأقصى لمدة الإيجار سبع سنينوقابلة للتجديد وبإيجار شهري 1200 جنيه للوحدة السكنية مساحة 75 متر مربع مع زيادة سنوية بنسبة 7%.   وايجار 1500 جنيه للشقة 90 متر ويجب أن يتم سداد نسبة 25% من الدخل الشهري فقط كقيمة للإيجار الشهري..