الأحد 21 أبريل 2024
رئيس التحرير
عمرو عامر
المشرف العام
عبدالعظيم حشيش
تحليل

زيادة جنيه واحد.. مفاجأة في قرار لجنة تسعير البنزين

الأربعاء 13/مارس/2024 - 01:40 ص
البنزين
البنزين


 
هي لجنة تسعير البنزين والمواد البترولية هتجتمع امتي وايه هيكون قرارها وليه كل الخبراء بيتوقعوا رفع اللجنة أسعار البنزين وباقي مشتقات البترول زي الغاز والسولار والمازوت.. تعالوا نشوف اللجنة بتفكر في ايه
 
كلنا عارفين إن الحكومة من فترة طويلة اخترعت نظام جديد لتحديد سعر البنزين والسولار والغاز وغيرها من المواد البترولية وعملت لجنة اسمها لجنة  التسعير التلقائي للمنتجات البترولية بشكل ربع سنوي يعني اللجنة بتجتمع كل 3 شهور عشان تاخد قرارها والحقيقة موضوع اسعار البنزين والسولار ده مهم جدا لملايين المصريين لأنها بتتعلق بعدد كبير منهم وهما أصحاب السيارات بكل أنواعها غير إن رفع أو تخفيض سعر البنزين والسولار بيفرق كتير في أسعار كل السلع التانية لأنها لو رفعت على سبيل المثال أسعار البنزين والسولار والغاز اللي بتمشي بيه العربيات تكلفة النقل للبضايع بتزيد والمواطن في النهاية هو اللي بيتحمل الفاتورة وبيدفع الزيادة من جيبه بعد تحميلها على سعر البضائع.

طيب إزاي لجنة التسعير بتحدد أسعار البنزين والسولار والغاز كل مرة ..  في العادة فيه اكتر من عامل بيحدد سعر المواد البترولية في مصر منها دراسة السوق العالمي والمحلي، وتحليل المتغيرات العالمية والمحلية والإقليمية المؤثرة على أسعار الوقود لكن  أهم عاملين مؤثرين في تكلفة إتاحة وبيع هذه المنتجات في السوق المحلية هما السعر العالمي لبرميل خام برنت وتغير سعر الدولار أمام الجنيه بخلاف الأعباء والتكاليف الأخرى الثابتة.

طيب شعبة المواد البترولية باتحاد الغرف التجارية، قالت ايه عن القرارات المنتظرة للجنة واللي المفروض هتجتمع في وقت الشهر ده .. والشعبة شايف. إن المؤشرات الحالية لأسواق النفط المحلية والعالمية بتزيد للاسف من توقعات ارتفاع أسعار البنزين والسولار في مصر خلال الأيام الجاية لكن القرار يعود في النهاية إلى لجنة التسعير التلقائي للمواد البترولية وفقًا للمعطيات المعروضة أمامها.

لكن بعد قرار المركزي المصري بتحرير سعر صرف الجنيه وفق آليات العرض والطلب وانخفاض قيمة الجنيه ده هيسبب ارتفاع تكلفة استيراد الوقود، بجانب ارتفاع السعر العالمي للطاقة، وإن أسعار الوقود في مصر ممكن أو متوقع تزيد بنسبة 10%، بما يعادل جنيه واحد في أسعار البنزين. وبنفكركم إن  بعد آخر اجتماع لها في نوفمبر اللي فات اللجنة رفعت  سعر البنزين بجميع أنواعه وثبتت سعر السولار.