لو متعرفش.. فيه عظمة بتحصل في جبل التجلي

ياترى ايه حكاية مشروع التجلي الاعظم اللي بقي حديث العالم كله وليه دلوقتي.. وليه كمان شركة اجنبية هي اللي هتديره.. وايه تأثيره على السياحة والاقتصاد.. تعالو نشوف..
 
من فترة كبيرة الرئيس السيسي قرر يعيد اكتشاف كنوز مصر التاريخية والأثرية والروحية وقدر يرجع الحياة والروح الي مزارات وأماكن تاريخية كبيرة زي اللي حصل في منطقة الحسين والمعز والسيدة عائشة والقلعة والأضرحة واللي رجعت لرونقها وجمالها من جديد بعد سنين طويلة من الإهمال  والحقيقة الرئيس السيسي اهتم اكتر بالسياحة الدينية والمزارات الروحية واللي بتمثل أهمية كبيرة جدا عند اتباع الديانات وفي نفس الوقت مصدر مضمون للسياحة والاستثمار والعملة الصعبة وعشان كده كانت تعليمات الرئيس بإعادة احياء مشروع مسار العائلة المقدسة في مصر وهي رحلة السيد المسيح وأمه السيدة مريم البتول لمصر هربا من الاضطهاد  وده من أهم مشروعات السياحة الدينية في العالم وكان ليه مردود مهم جدا في سوق السياحة الدولي.

بعد مشروع مسار العائلة المقدسة مصر  فكرت في تطوير مشروع طموح لمنطقة سانت كاترين كلها وبكل اللي فيها من آثار ومعاني وأحداث تاريخية ودينية عظيمة وكفاية فيها منطقة التجلي الاعظم اللي ربنا سبحانه وتعالى تجلي فيها على سيدنا موسى وعشان كده المشروع اللي الحكومة بتعمله هناك سمته مشروع التجلي الاعظم .. طيب ايه هو مشروع التجلي الاعظم.. ده حضرتك مشروع متكامل سياحي وديني واستثماري وتنموي وهيبقي من أهم مشروعات ومزارات السياحة الدولية في العالم لان المكان ده تحديدا ليه وضع خاص في مصر وعند مختلف الأديان ومنتظر يزوره اكتر من مليون سائح في السنة في بدايات سنين المشروع واللي كلف حوالي 4 مليار جنيه وده بيورينا قد إيه المشروع ده ضخم.

ومشروع تطوير جبل التجلي الأعظم، هيضم كنيسة التجلي، وتابوت القديسة كاترين، ومزار عبور سيدنا موسى وحجاج بيت الله وهيشمل ربط المدينة مع باقي المنطقة الساحلية الممتدة بين الطور وشرم الشيخ ودهب عشان يبقي عندنا مجتمع سياحي كامل ديني وترفيهي في نفس الوقت بعد قرار 
القيادة السياسية بتحويل مدينة سانت كاترين لمقصد سياحي عالمي وبما يتناسب مع قيمتها التاريخية المقدسة.
الجديد بقي إن الحكومة وقعت من ساعات  مع شركة دويتشه هوسبيتاليتي الألمانية بالشرق الأوسط عقود الإدارة والتشغيل للمكونات السياحية والفندقية لموقع التجلي الأعظم فوق أرض السلام بسانت كاترين. وخلال سنتين تنافست كبري شركات الإدارة العالمية لاقتناص حق إدارة وتشغيل المكونات السياحية لمشروع موقع التجلي الأعظم فوق أرض السلام لكن في النهاية فازت بيه الشركة الألمانية  وهي شركة عالمية متخصصة في ادارة الفنادق والمنتجعات البيئية السياحية.. طيب ايه هي فايدة المشروع.. طبعا ليه فايدة دينية وروحية لا تقدر بثمن تاني حاجه هيخلق مجتمع جديد في المنطقة وهتجذب مليارات الدولارات في مشروعات سياحية تانية جمبه مع ارتفاع معدلات زيارة المشروع بالتدريج ومتوقع مليار دولار ايرادات سنويا في أول سنين افتتاح المشروع.