الإثنين 15 أبريل 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

السكر رايح على فين.. حكاية تصريح مسؤول التموين الغامض

الثلاثاء 05/مارس/2024 - 10:39 م
أزمة السكر
أزمة السكر

 

وزارة التموين في الوقت الحالي ماشية بمبدأ خالف تعرف وكانها بتقول للتجارة حافظوا علي السلع علشان تبيعيوا باسعار اعلي من الاسعار المسعرة حاليا.. وعملت جدل كبير قوي في الشارع المصري بخصوص اسعار السكر بعد ما اعلنت ان السعر العادل لكيلو السكر هيكون 40 جينها يا تري اية الحكاية.. وهل سعر السكر هيوصل للرقم ده
 


مصر من شهور طويلة وهيا بتعاني من وجود ازمة حقيقية في اسعار السكر بالاسواق، وفي الوقت الحالي انك تلاقي كيلو سعر بسعره الرسمي اللي حددته الحكومة ممثلة في وزارة التموين والتجارة الداخلية بـ27 جنيه بقي معجزة، والتجارة حاليا ساتغلت نقصه وبتبع بمزاجها لحد ما وصل سعر الكيلو في بعض المدن لاكثر من 60 جنيها.
وزارة التموين اللي هيا المفروض المسئولة عن توفير السلع للمواطنين ومراقبة الاسواق وضرب محتكري السلع وتقديم للمسالة القانونية بدل ما تقوم بدورها اللي حدده القانون وشرعته الدولة للمسئولين ليهم، ولعت الازمة من جديد واعلنت ان السعر العادل ليكلو السعر 40 جنيه .
المواطن المصري مستغربش من الكلام ده خصوصا ان خرج عن لسان مساعد وزير التموين، واللي المفروض دوره يكون قايم علي الأعلان عن توفير السلع للمواطنين سواء في الاسواق المحلية او المنافذ والجمعيات التابعة للوزارة، خصوصا بعد ما الدولة فتحت معارض اهلا رمضان لبيع وتوفير السلع باسعار مخفضة للمواطنين، وكأن الحكومة بتمهد الطريق لرفع اسعار السكر في الاسواق.
طيب هيا حكاية التصريح ده وهل سعر كيلو السعر هيوصل لـ40 جينه؟.
الدكتور إبراهيم عشماوي، مساعد أول وزير التموين، قال إن السعر العادل للسكر في السوق الحرة في أعقاب ‏التحركات السعرية التي شهدتها البورصات العالمية مؤخرا هيتراوح من 35 إلى 40 جنيها كحد أقصى. ‏ 
مساعد وزير التموين كمل كلامه وقال أن العملية التنظيمية هي الحل الوحيد لحصول كافة المواطنين على السكر بـ27  بسبب تسارع المواطنين على التخزين وبخاصة مع اقتراب شهر رمضان وازدياد الطلب على الحلويات والعصائر والأكلات المخصصة لشهر رمضان.
عشماوي قال كمان، أن الوزارة خصصت 1200 منفذ صغير في السلاسل التجارية بالقطاع الخاص؛ ‏لتوفير السكر بسعر 27 جنيها في إطار مبادرة أهلا رمضان، وكمان وفرت سلعة السكر في السلاسل الكبرى صاحبة الصيت بسعر يتراوح من 40 إلى 50 جنيها .
مساعد وزير التموين، قال ان الدولة ملزمة بتوفير السلع لبطاقات التموين باسعار 12.60 قرشا، ده غير طرح السكر الحر علي بطاقات التموين وبحد كيلو لبطاقات التموين اقل من 4 افراد، و2 كيلو للبطاقات اكثر من 4 افراد بسعر 27 جنيه، وأن الوزارة بتدعم مستفيدي البطاقات التموينية بـ65 ألف طن سكر شهريا، إضافة إلى 65 ألف طن مثلهم بالسعر ‏الحر، وكمان بتوفر 50 ألف طن للسلاسل وشركات الصناعات الغذائية، و60 ألف طن للتجار وشركات ‏التعبئة.‏