الأربعاء 29 مايو 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

التقديم بدأ.. فرصة تاخد شقة في الاسكان المتميز ومشروع جنة

الثلاثاء 05/مارس/2024 - 03:41 ص
الإسكان الاجتماعي
الإسكان الاجتماعي


بتحلم بشقة العمر وكنت خايف من ارتفاع الأسعار وعلى تحويشة العمر..دلوقتي متقلقش الحكومة رجعت تطرح شقق الإسكان بكل أنواعها وفي كل المحافظات و النهاردة فيه فرصة مهمة عشانك.


شوف يا سيدي  وزارة الإسكان فتحت أخيرا باب التقديم في الطرح التكميلي لشقق الإسكان المتميز وجنة..

الطرح الأول اللي أعلنت عنه ووزارة الإسكان هو عبارة عن طرح تكميلي لـ480 وحدة سكنية بمشروع "جنة"، بمدينتي 6 أكتوبر والقاهرة الجديد بمساحات تتراوح بين 100 و150 مترًا...
والطرح ده الطرح للعملاء الذين لم يحالفهم الحظ بحجز وحدة سكنية بمشروع جنة بمدينتي القاهرة الجديدة و6 أكتوبر، خلال الفترة من 15 يناير 2023 وحتى 16 فبراير 2023.
وهتلاقي شروط وأسلوب الحجز، والمواقع والمساحات والأسعار وأسلوب السداد، في كراسات الشروط، وعلى الموقع الإلكتروني لبنك التعمير والإسكان.

وكمان طرحت الوزارة مرحلة تكميلية تانية من شقق الإسكان المتميز بمدينتي العبور وأسيوط الجديدتين، والطرح ده مخصوص عشان اللي قدم في المشروع ومحدش شقة وده هيكون بنظام القرعة العلنية اليدوية من خلال بنك التعمير والإسكان، والقرعة هتكون على 839 وحدة سكنية بمساحات تتراوح بين 57 م2 و93 م2.
وزي ماقلنا القرعة الجديدة في الاسكان المتميز هتكون الأولوية فيه لمن لم يحالفهم الحظ بحجز وحدات سكنية بمدينتي العبور الجديدة وأسيوط الجديدة، خلال الفترة من 17/12/2023 وحتى 11/1/2024، ولم يقوموا بسحب جدية الحجز، بدلا من نظام أسبقية الحجز الإلكتروني .
ولو ملكش في المتميز وعاوز حاجة كويسة وعلى قد الإيد فخلي بالك وزارة الإسكان، ممثلة في صندوق الإسكان الاجتماعى، بتستعد لطرح إعلان جديد ضمن مشروع الإسكان الاجتماعى "مبادرة سكن كل المصريين 4" خلال الأيام الجاية 2024، وده بعد  الانتهاء من حصر الأراضى الشاغرة في المدن والمحافظات تمهيدا لطرحها على شركات المقاولات قبل بدء طرحها للمواطنين للحجز.