الفرصة جت.. معاد الحجز وأسعار شقق الإسكان الاجتماعي 2024 لمحدودي الدخل.. اعرف كل التفاصيل

 
نفسك في شقة على قد الإيد  وبالتقسيط المريح ووببلاش كده زي زمان.. وزارة الإسكان عاملالك مفاجاة في الشهر ده.. تعالي شوف الفرصة والاسعار ومعاد الحجز.

 
من اكتر المشروعات اللي الناس بتدور عليها وخاصة الشباب هي مشروعات شقق الإسكان الاجتماعي اللي بتطرحها وزارة الإسكان وده بسبب انها مدعمة بشكل كبير من الدولة وتقريبا كده هي تعتبر شقة بلاش لو بصبت للتكلفة الاستثمارية بتاعتها لكن الدولة وبتعليمات الرئيس السيسي بتعمل شقق الاسكان الاجتماعي للتخفيف عن كاهل المواطنين وتمكينهم من الحصول على وحدات سكنية بسهولة ويسر، وتمكين أكبر قدر ممكن من اللي محتاجين شقق ياخدوها بشروط ميسرة ودي بتعتبر أكبر هدية من الرئيس للشباب اللي باديء حياته..  وعشان كده جبنالك كل التفاصيل عن الإعلان الجديد لشقق الإسكان الاجتماعي 2024..

شوف ياسيدي وزارة الإسكان، سبق وقالت بشكل رسمي إن معاد فتح حجز شقق الإسكان الاجتماعي 2024 هيكون خلال الأيام الجاية وغالبا في مارس الحالي ولسه ماتمش الاعلان عن الاسعار النهائية وده لأن الأسعار مرتبطة باسعار مواد البناء وسعر الدولار ودي البشرى التانية لأنه بعد انهيار الدولار في السوق السودا وهبوط أسعار الحديد والأسمنت متوقع اسعار الشقق تنزل بشكل كبير زي زمان وعشان كده الحكومة ما اعلنتش عن الأسعار وقتها وإلا مكانتش هتبقى مناسبة لمحدودي الدخل أو الشباب اللي لسه باديء حياته.

وبخصوص معاد فتح حجز شقق الإسكان الاجتماعي 2024، زي ماقلنا أتاحت وزارة الإسكان والمرافق والمجتمعات العمرانية، عدد من شقق الإسكان الاجتماعي لمحدودي الدخل بـ9 أماكن في مختلف المحافظات، وهيتم  طرحهم في الربع الأول من سنة 2024 بالأخص في شهر مارس اللي احنا فيه يعني حضر ورقك وحالك .. وبالنسبة لمساحات الشقق فهي بتتراوح بين 75 و90 متر.

ونيجي لأهم نقطة وهي أسعار شقق الإسكان الاجتماعي 2024، فزي ما قلنا لسه الحكومة ما اعلنتش رسمي لكن متوقع تكون بين  184 ألف جنيه و400 ألف جنيه للوحدة، وبيتم تحديد السعر على حسب مساحة الوحدة السكنية وموقعها المحدد ونسينا نقولك التقديم على طلب حجز الوحدات السكنية إلكترونيًا من خلال موقع صندوق دعم الإسكان الاجتماعي والتمويل العقاري أو من خلال البريد.

وبخصوص شروط حجز شقق الإسكان الاجتماعي 2024 فهي سهلة إنه يكون المتقدم من الجنسية المصرية وعمره ما يقلش عن 21 سنة ومايكونش سبق واخد شقة من الدولة ... ومن بين الشروط إنه دخل المتقدم على شقق الإسكان الاجتماعي مايقلش عن 6،000 إلى 8،000 جنيه مصري للمتزوج.. وإن التقديم على شقق الاسكان الاجتماعي يكون في  محافظة إقامة المتقدم أو محافظة عمله.

أما لو بتسأل عن الأوراق المطلوبة للتقديم في شقق الإسكان الاجتماعي 2024 فهي بسيطة برود وهيصورة من بطاقة الرقم القومي.. شهادة الميلاد والمؤهل الدراسي للمتقدم... إيصال أحد المرافق كهرباء أو مياه أو غاز بتاريخ حديث... الموقف من التجنيد للذكور.- شهادة ميلاد الزوجة «للمتزوجين».
ونيجي لأماكن شقق الإسكان الاجتماعي 2024.. والوزارة سبق وكشفت عن ، أماكن شقق الإسكان الاجتماعي 2024 الجديد بالنسبة لمحدودي الدخل 2024، وهي في مناطق 
الإسكندرية ببرج العرب. - مايو- أكتوبر الجديدة. وأسوان الجديدة.
وكمان في سوهاج الجديدة. وبدر. ومدن حدائق العاصمة في الدقهلية. وكفر الشيخ.  والمنوفية. ودمياط.  والغربية.