الأحد 26 مايو 2024
رئيس التحرير
عمرو عامر
المشرف العام
عبدالعظيم حشيش
تحليل

عودة الجنيه من تاني.. الدولار الأسود يواصل الهبوط

الثلاثاء 27/فبراير/2024 - 09:24 م
الدولار
الدولار

مفيش شك إن صفقة رأس الحكمة كانت قدم السعد على الاقتصاد المصري كله وكانت بداية صحوة الجنيه من تاني بعد هبوط الدولار الكبير في السوق السودا واللي تعبت المصريين على مدار شهور طويلة وكانت السبب في كل المعاناة اللي بتعيشها الأسر بسبب الغلاء الكبيرة وارتفاع أسعار السلع والخدمات بشكل غير مسبوق.
النهاردة الجنيه راجع من تاني عشان يسترد عافيته وتزيد قوته الشرائية مع هبوط الأسعار في كل السلع خلال الآيام الجاية وفيه سلع بدأ بالفعل سعرها ينزل في السوق زي الدهب واللي بدأ يرجع شوية شوية لأسعار ها الطبيعية بعد قفزات تاريخية في الأسعار
طيب يعني ايه القوة الشرائية للجنيه راجعة .. يعني الجنيه اللي في جيب حضرتك قيمته زادت والحاجة الللي كنت بتشتريها ب100 جنيه مثلاً هتبقي ب50 جنيه وبكده يبقي سعر الجنيه قيمته زادت في جيبك النص وهكذا في كل السلع وده معناه بردوا إن المصريين هيستفيدوا اكتر بحزمة الحماية الاجتماعية اللي أعلن عنها الرئيس السيسي ورفع الحد الأدنى للأجور بداية من الشهر الجاي وبكده صعوبة المعيشة هتقل والناس هتعرف تعيش.