الأربعاء 17 أبريل 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

جايب الدولار ده منين.. امتى تمشي بالعملة وانت مطمن في الشارع

الثلاثاء 20/فبراير/2024 - 12:01 ص
الدولار
الدولار



هو حيازة الدولار جريمة ياجماعة.. وهل صحيح فيه حملات في الشوارع على أي حد ماشي بسب العملة الصعبة وامتي تقدر تمشي في الشارع ومش خايف لو معاك دولار.



خلونا نتفق ياجماعة إن أي دولة في ظروف استثنائية في أي ظروف بتاخد اجراءات استثنائية حتي لو في أمريكا وأوروبا .. واحنا عندنا أزمة دولار وفيه سوق سودا ومضاربة وتجار عملة وسوق الصرف بقي فيه فوضى كبيرة وعشان كده طبيعي لو أي لجنة أو كمين وقفك ولقي معاك دولارات هيسأل سؤال منطقي جدا جايب الدولار منين لأنه جايز اجابتك توصل الشرطة لعصابة كبيرة في تجارة العملة.
أي نعم مفيش أي مشكلة في حيازة الدولار أو أي عملة في العالم بس في ظروف معينة من حق الأجهزة تسألك جايب الدولارات منين وأكيد حضرتك عارف الفلوس اللي معاك مصدرها إيه.. كل اللي عليك انك تقوله مصدرها وتثبت كلامك يعني لو سحبها من بنك أو شركة أو مكان شغلك لو بتقبض بالدولار  أكيد هيكون معاك اثبات زي وصل دفع أو فاتورة أو أي حاجة ولو مش معاك بقي من حق الأجهزة في الظروف اللي بتمر بيها البلد إنها تسألك عن مصدرها وتتأكد منه.

الداخلية عشان تفك الجدل في نقطة حيازة الدولار نشرت على موقعها الموقع الإلكتروني كتير من الحالات اللي بيعاقب عليها القانون، ومنها الإتجار فىي العملات الأجنبية خارج القـنوات الشرعية على مستوى الجمهورية، وكمان القانون بيعاقب على الممارسـات الخاطئـة لشركات الصـرافة التي تخالف القــواعد والإجـراءات التىي يحددها مجـلس إدارة البنك المـركزي.

وكمان القانون بيعاقب المواطن العادي في حالة شراءه وبيعه العملات الأجنبية خارج نطاق السوق الرسمية، وناشدت وزارة الداخلية المواطنين عـدم اللـجوء لتجار وسـماسرة العملة لتدبير النقد الأجنبى أو بيعه ليهم عشان محدش يوقع تحت طائلة القانون.

وزي ما قلنا حمل أو حيازة العملة مش جريمة أو مخالفة للقانون، أيا كان رقم الأموال التي بحوزة المواطن، لكن أغلب اللي تم ضبطهم خلال الفترة الأخيرة تم التبليغ عنهم بأنهم تجار سوق سودا، وتم مراقبتهم من الأجهزة الأمنية وبعدها يتم القبض عليهم، وتكون التهمة الاتجار بالعملة الأجنبية أيا كان المبلغ حتي لو 100 دولار تعد تجارة كما الـ100 ألف وكلها مخالفات للقانون