السكر بـ 27 جنيه سكر.. مفاجآت أسعار أهلا رمضان

توفير السلع الاساسية للمواطنين هدف رئيسي للحكومة في الوقت الحالي خصوصا بعد ما ارتفعت اسعار السلع لارقام كبيرة عن اسعارها الحقيقية في الأسواق.. ايه حكاية معارض أهلا رمضان واللي الناس واقفة عليها طوابير .

الحكومة بدأت افتتاح معارض اهلا رمضان لتوفير السلع الاساسية للمواطنين من الزيت والسكر والأرز وغيرها من السلع اللي هيحتاجها المواطنين باسعار مناسبة ومنخفضة عن الأسعار الموجودة في الخارج، والنهاردة الدكتور علي مصليحي وزير التموين والتجارة الداخلية افتتح معرض اهلا رمضان بمنطقة شبرا الخيمة، لبيع السلع الاساسية للمواطنين. والحقيقة كانت فرصة للوزير يعرف قد إيه الغضب بين الناس واللي اتكلموا معاه بخصوص الغلاء واحتكار التجار والمضاربة والوزير دافع عن نفسه وقال شغالين ومش مخلين في جهدنا حاجة..
الدكتور علي مصيلحي وزير التموين والتجارة الداخلية قال للناس أكد، أن معارض اهلا رمضان حققت الغرض منها في الفترات اللي فاتت، والسنة دي الدولة هتكرر التجربة مرة تانية باقامة معارض اهلا رمضان لبيع السلع التموينية للمواطنين، وبدأت في تجهيز مقرات لمعارض اهلا رمضان وبمعدل معرض رئيسي بكل محافظة و 3 معارض إضافية وهتكون متاحة قدام المواطنين لشراء السلع لمدة 30 يوم.
وزير التموين والتجارة الدخلية، اكد أن معارض اهلا رمضان هتختلف السنة دي بسبب دخول عدد كبير من الشركات والسلاسل الغذائية في المعارض بهدف توفير اكبر قدر ممكن من المنتجات للمواطنين، وكمان زف بشري للمواطنين بمشاركة السلاسل التجارية في معارض أهلا رمضان من خلال توفير جناح داخل كل سلسلة تجارية يحمل شعار أهلا رمضان، ده غير المجمعات الاستهلاكية، ومنافذ مشروع جمعيتي والسيارات المتنقلة المشاركة في المعرض .

مصيلحي أكد كمان، أن الوزارة بالتعاون مع الشركات والجميعات المشاركة في المعارض هتكثف المنتجات المعروضة في الاسواق باسعار اقل 30% عن اسعارها الموجودة في الاسواق، وطئمن المواطنين عن الاحتياطي الاستراتيجي من السلع، واكد أنه آمن ويتخطى 6 أشهر.
وزير التموين اختتم كلامه وقال أن الهدف من إقامة معارض «أهلا رمضان» هو محاربة الغلاء ومواجهة محتكري السلع بتوفير جميع المنتجات الغذائية وغير الغذائية اللي هتلبي احتياجات المواطنين خصوصا أن فلسفة تأسيس تلك المعارض بتهدف لتقليل حلقات التداول، وزيادة المعروض من السلع الاستراتيجية وتوفير السلع الغذائية للمواطنين خصوصا البسطاء ومحدودي الدخل، بما يتناسب مع الظروف الاقتصادية، وان الحكومة حاليا بتمارس دورها الرقابي بكل صراحة علي السوق السودا ومحتكري السلع الغذائية وبدأت توجيه ضربات مباشرة وتمكنت من ضبط كميات كبيرة من السلع التموينية وخصوصا الزيت والسكر والارز بحوزته التجار في مخازن غير ادمية وغير مؤهلة لحفظ السلع التموينية، بهدف تخزينها واعادة بيعها في السوق باسعار اعلي من سعرها الرسمي والحقيقي اللي حددته الدولة وده بهدف تحقيق ارباح شخصية علي حساب مصلحة المواطن اللي بيدور علي السلع في الاسواق وللاسف مش لاقيها، ولو لقيها بيكون سعرها غير حقيقي واصبح المواطن غير قادر علي توفير احتياجات بيته منها.
المصيلحي نصح المواطنين بالاقبال علي معارض وفروع معارض اهلا رمضان بالمحافظات وشراء كل احتياجاتهم منهم والاستفادة من فارق السعر والتخفيضات اللي عملتها الوزارة.
وبخصوص الأسعار فالسكر هناك ب27 جنيه للكيلو السمن عبوة 2 كيلو ب140  جنيه بدل من 150 جنيه وكمان وعشان ما تبقي عارف الأسعار قبل ما تروح المعرض هتلاقي شنط رمضان وكل شنطة فيها كميات مختلفة من السلع من 6الة 10 أصناف حسب الحاجة وبخصوص أسعار شنط رمضان في المعارض فهي بتبدأ ب 100 حنيه و، 150 حنيه وفيه شنط ب 200، وفيه شنط تانية ب250، و300 جنيه وللعيلة الكبيرة فيه شنطة رمضان ب500 جنيه .

تتضمن شنطة رمضان 2024 بالمعارض، سلع "السكر والأرز والزيت والمكرونة والشاي والصلصة والفول والعدس والبلح والمسلى النباتي
وعشان محدش بيردوا يستغلك في المعارض أسعار السلع في معارض أهلا رمضان، هتلاقيها كل يوم علة بوابة وزارة التموين الإلكترونية واللي بتقدم خدمة مستمرة  على مدار الساعة.كمان وزارة التموين حددت في كل محافظة 3 معارض على الأقل وفي نفس الوقت هيتم توفير شوادر وسيارات متنقلة ومنافذ هتلف المحافظات كلها.