الأحد 25 فبراير 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

مهمة خاصة لمحافظ البنك المركزي المصري في الإمارات

الإثنين 12/فبراير/2024 - 10:58 م
حسن عبدالله محافظ
حسن عبدالله محافظ البنك المركزي المصري



هو رئيس الحكومة ونص الوزارة ومعاهم المصرفي حسن عبد الله محافظ البنك المركزي بيعملوا إيه في الإمارات وإيه علاقة الزيارة بأزمة الدولار في مصر.. كل ده هنعرفه.



زي ما قلنا مدبولي ومعاه وفد رفيع المستوي بيضم وزرا  الحقيبة الاقتصادية زي وزير المالية ووزيرة التخطيط ومحافظ البنك المركزي.. والزيارة لحضور قمة الحكومات العالمية في دبي، وطبعا وفد زي كده مش رايح يسلم ويتصور ويرجع لكن بيكون فيه مهمات تانية كتير زي توقيع اتفاقيات وحضور مناقشات مع المؤسسات المالية العالمية اللي بتحضر المؤتمر وفعلا مدبولي وقع اتفاقية للتعاون وتطوير الاداء الحكومي مع الامارات.

من أهم لقاءات مدبولي ومحافظ البنك المركزي حسن عبد الله مقابلة رئيس البنك الدولي أجاي بانجا والمفاوضات المهمة  اللي تمت واحنا عارفين إن البنك الدولي مع صندوق النقد هما أكتر جهتين للتمويل في العالم وشهاداتهم وتقاريرهم مهمة جدا لفتح أبواب الاستثمار المباشر بخلاف التعاون لحل الأزمات لاستمرار التعاون مع مصر،وفي مقدمتها أزمة الدولار طبعا ولو مش ناسين مؤسسة التمويل الدولية التابعة للبنك الدولي، هي المستشار الإستراتيجي للحكومة المصرية لبرنامج الطروحات الحكومية اللي بتنفذه مصر كحل لتشجيع القطاع الخاص وتوفير حصيلة دولارية تساعد في حل الأزمة الحالية في سوق الصرف.
محافظ المركزي ومدبولي ناقشوا مع رئيس البنك الدولي ملف مهم جدا وهو دعم القطاع الخاص وزيادة مساهمته في الاستثمارات العامة للدولة إلى 65% من إجمالي الاستثمارات وفق مستهدفات الحكومة.
وبنفكركم كمان إن البنك الدولي أحد أهم شركاء التنمية في مصر، وبدأ في دعم برنامج التنمية في سنة 1959 ومن وقتها  البنك الدولي مول حوالي 175 مشروع بإجمالي 26 مليار دولار في العديد من القطاعات الهامة، من بينها البنية التحتية ورأس المال البشري وإصلاحات القطاع العام وتقديم الخدمات وتنمية القطاع الخاص.
رئيس البنك الدولي وعد محافظ البنك المركزي المصري بزيارة مصر قريب لمناقشة ملفات التعاون المشتركة بشكل موسع.
طبعا زيارة حسن عبد الله للإمارات مهمة جدا لأنه بيقابل مسئولين كبار على مستوى العالم وبيبحث معاهم التعاون المصرفي وعرض الفرص الاستثمارية المتاحة في مصر واستعراض الوضع في مصر على حقيقته من غير فبركة ولا أكاذيب وده مهم جدا جدا في الفترة دي لأن مصر بتتعرض لحملات تشويه يومية ومهم جدا العالم وخاصة المؤسسات المالية الدولية تعرف الحقيقة.