الخميس 22 فبراير 2024
رئيس التحرير
عمرو عامر
المشرف العام
عبدالعظيم حشيش
أخبار

السكر بيروح فين يامصيلحي.. أسرار شبكات السوق الخفية

الجمعة 09/فبراير/2024 - 03:00 ص
أزمة السكر
أزمة السكر

 

مصر كلها بتدور على السكر ولو لقيت في 5 أماكن هتلاقيه ب5 أسعار مختلفة.. ولأننا معندناش أزمة انتاج زي ماقال الوزير الهمام على مصيلحي وزير التموين يبقي مفيش غير تفسير واحد اللي بيحصل وهو إن حيتان السكر هزموا الوزير بالقاضية وإن السوق دلوقتي في يد مافيا التجار.
طبعا اللي بيحصل ده لغز كبير ومهزلة بطلها وزير التموين واللي مش قادر يقول للشعب السكر فين زي ما عرفش يرد لما السجاير اختفت، واللي بيحصل كمان بيقول إن فيه شبكات مصالح ظهرت وإن الفساد بقي متشعب في أروقة وزارة التموين بدليل الاعترافات اللي قالها مستشار الوزير اللي اتقبض عليه مع شبكة من رجال الأعمال وأصحاب المصانع ومطاحن وقال إزاي كان بيحجب السكر عن الناس ويبيعوه لشركات التعبئة واللي بترجع تبيعه ب10 أضعاف بعد ما يعطشوا السوق.
والسؤال دلوقتي الوزير بيعمل إيه في مكتبه وإيه الاجراءات اللي خدها عشان يسيطر على السوق ويحاسب التجار الكبار وهل ياترى هنسمع اخبار كويسة عن وزير جديد للتموين يكون عنده شخصية قوية يقدر يوقف التجار معاهم مسؤلين باعو ضميرهم عند حدهم