الخميس 29 فبراير 2024
رئيس التحرير
عمرو عامر
المشرف العام
عبدالعظيم حشيش
تحليل

زيادة المرتبات ورعب التعويم وسر لأول مرة عن مشروع راس الحكمة

الأربعاء 07/فبراير/2024 - 08:13 م
الجنيه المصري
الجنيه المصري

متابعينا الكرام في كل مكان أهلا وسهلا بكم على منصات بانكير وتحليل  جديد لأهم الموضوعات والتقارير اللي قدمتها وحدة أبحاث بانكير النهاردة الاربعاء 7 فبراير 2024..
 

قرارات


البداية طبعا هتكون مع قرارا الرئيس عبد الفتاح السيسي النهاردة واللي تناولتها وحدة بانكير بالتحليل والمؤشرتت وهي بخصوص حزمة الحماية الاجتماعية ورفع الحد الأدني للاجور وغيرها من القرارات.
ووقال التقرير إن بانكير سبق وأكد إن فيه حزمة جديدة  من الحماية الاجتاعية واجرااءت حكومية لمساعدة المواطنين على مواجهة غلاء الأسعار والحقيقة الرئيس السيسي وجه بعد الفوزفي انتخابات الرئاسة الحكومة بدارسة اعتماد قرارات جديدة لمساعدة المواطنين على مواجهة ارتفاع الاسعار وحماية الطبقات من محدودي الدخل.

وقالت التفاصيل إن الرئيس السيسي وجه بأكبر حزمة اجتماعية عاجلة للحماية الاجتماعية يتم تنفيذها اعتبارًا من الشهر الجاي يعني من مارس الجاي، وبتشمل رفع الحد الأدنى للأجور بنسبة 50%، ليصل إلى 6 آلاف جنيه شهريًا.

كمان وجه الرئيس الحكومة بزيادة أجور العاملين بالدولة والهيئات الاقتصادية، بحد أدنى يتراوح بين 1000 إلى 1200 جنيه شهريًا، بحسب الدرجة الوظيفية.
- رفع الحد الأدنى للأجور بنسبة 50%، ليصل إلى 6 آلاف جنيه شهريًا.

 

وشملت قرارات الحماية الاجتماعية  علاوات دورية للمخاطبين بقانون الخدمة المدنية بنسبة 10% من الأجر الوظيفي، و15% من الأجر الأساسي لغير المخاطبين، وبحد أدنى 150 جنيهًا وبتكلفة إجمالية 11 مليار جنيه.


وكمان صرف حافز إضافي يبدأ من 500 جنيه للدرجة السادسة، ويزيد بقيمة 50 جنيهًا لكل درجة، ليصل إلى 900 جنيه للدرجة الممتازة، بتكلفة 37,5 مليار جنيه.

ومن بين قرارات الرئيس الجديدة النهادة  تخصيص 6 مليار جنيه لتعيين 120 ألفًا من أعضاء المهن الطبية والمعلمين والعاملين بالجهات الإدارية الأخرى.

وكمان اعتماد 15 مليار  جنيه زيادات إضافية للأطباء والتمريض والمعلمين وأعضاء هيئة التدريس بالجامعات.


وشملت القرارات تخصيص8.17 مليار جنيه لإقرار زيادة إضافية لأجور المعلمين بالتعليم قبل الجامعي، تتراوح من 325 جنيهًا إلى 475 جنيهًا.
 

وتخصيص 1.68 مليار  جنيه لإقرار زيادة إضافية لأعضاء هيئة التدريس ومعاونيهم بالجامعات والمعاهد والمراكز البحثية.

كمان من بين القرارات الرئاسية السارة النهاردة تخصخ مبلغ 4.59 مليار جنيه لإقرار زيادة إضافية لأعضاء المهن الطبية وهيئات التمريض تتراوح من 250 إلى 300 جنيه في بدل المخاطر للمهن الطبية، وزيادة تقترب من 100% في بدل السهر والمبيت.

ولأصحاب المعاشات واللي بيوصل عددهم لحوالي 13 مليون شخص تقرر تخصيص زيادة 15% ، بتكلفة إجمالية 74 مليار جنيه.

وكمان صرف زيادة لمعاشات "تكافل وكرامة" بنسبة 15% بتكلفة 5,5 مليار جنيه، لتصبح الزيادة خلال سنة 55% من قيمة المعاش. وتخصيص 41 مليار جنيه لمعاشات "تكافل وكرامة" في العام المالي 2024/2025.


ومن بين قرارا الرئيس النهاردة المفرحة للمصريين رفع حد الإعفاء الضريبي لكافة العاملين بالدولة بالحكومة والقطاعين العام والخاص بنسبة 33%، من 45 ألف جنيه إلى 60 ألف جنيه..


العد التنازلي


التقرر التالي اللي قدمته وحدة أبحاث بانكير كان بخصوص تحليل عن بداية العد التنازلي لتعويم الجنيه وبخصوص اللى هيحصل بعد قرارت السيسي عن الأجور وزيادات مرتبات الموظفين ..
وقال التقرير إنه من ساعات الرئيس السيسي وجه الحكومة بتنفيذ أكبر حزمة اجتماعية عاجلة للحماية الاجتماعية، بقيمة 180 مليار جنيه، اعتباراً من أول مارس 2024 وهيتم زيادة أجور العاملين بالدولة والهيئات الاقتصادية.
وأضاف التقرير إنه بعد صدور القرارات دي كل الناس بتسأل يا ترى ايه اللى هيحصل الايام الجاية..
وكشف التقرير إنه وفقا لسيناريوهات كتيرة حصلت قبل كده فعادة بيتبع قرارات الحماية الاجتماعية تحرك فى سعر الصرف وتقدر تقول كده ان القرارات دي بنسبة كبيرة هتكون مقدمة لتعويم الجنيه للمرة الرابعة خلال اقل من سنتين 
ومعظم مؤسسات التمويل الدولية أكدت ان تخفيض قيمة الجنيه هيكون قبل نهاية الربع الاول من 2024 
وعن سعر الدولار المتوقع فى البنك لو حصل تعويم... قال التقرير إنه
وفقا لمعظم التقديرات فمتوقع ان التخفيض نسبته تكون من 25 الى 30 % ومتوقع ان سعر الدولار يتراوح ما بين 40 و45 جنيه فى البنوك والهدف من الخطوة دي هو تقليل الفجوة بين السعر الرسمي للدولار وسعره فى السوق السودا 
 

التعويم


وحدة أبحاث بانكير قدمت تقرير أخر ليه علاقة بالتعويم وبيجاوب على سؤال محدد تعمل إيه لو حصل تعويم..
وقال التقرير إن التعويم اللي جاي غالبا هيكون تحرير مدار أو مرحلي يعني تعويم مش كامل للجنيه ولو فيه تعويم أكيد النصيحة تكون في استثمار المدخرات سريعا سواء في الدهب أو العقار أو شهادات الاستثمار اللي طرحتها البنوك في الفترة اللي فاتت ومن أكتر الملاذات الآمنة اللي ممكن تستثمر فيها فلوسك الوقت ده هو إنك تعمل مشروع أو تشارك في مشروع قائم عشان تضمن إن فلوسك بتزيد وفي نفس الوقت تحتفظ بقيمتها.


عامة المصريين اشتروا دهب كتير الفترة اللي عدت وده عرفناه من نسب الاقبال على محلات الدهب وناس كتير لحقت نفسها وشغلت فلوسها أو حطتها في شهادات الادخار، لكن الأهم إن الناس عرفت سياسة الترشيد سواء بارداتها أو غصب عنها وبقت ما تصرفش جنيه غير في مكانه الضروري ورب ضارة نافعة.


مشروع رأس الحكمة


التقرير الأخير اللي قدمته وحدة أبحاث بانكير كان بخوص كنز الكنوز في الساحل الشمالي
واستعرض التقرير حجم الهجوم على مشروع راس الحكمة السياحي الضخم وزاي إن مصر بتبيع أرضها وازاي باعت لهم منطقة على أجمل شواطئ العالم ب22 مليار دولار.. طبعا ده كلام بتوع المصاطب واللي مش عارفين الفرق بين الاستثمار والبيع ..وهي الدولة أو الحكومة وظيفتها ايه غير إنها تخلق فرص استثمار وفرص عمل وضخ أموال مباشرة.


وطرح التقرير سؤال ليه مشروع راس الحكمة بالذات بيعرض لهجوم عنيف ورغم أنه مشروع ضخم بنظام الانتفاع المعمول بيه في مصر ومش بيع زي حملات الهجوم ما بتقول .
وقال التقرير إن سبب الهجوم الخوف من تحول منطقة الساحل الشمالي لعاصة السياحة والتوكيلات في العالم خاصة بعد انبهار العالم بمدينة العلمين الجديدة واللي في أول موسم ورغم انها لسه بتتشطب الناس ملقتش مكان تقعد فيه من الزحمة والسياحة ولأن المنطقة هتسحب البساط من مدن تانية حصل الهجوم اللي عليها ولأنها بردو هتدخل مليارات الدولارات كل سنة لمصر مع المخطط المعمول لتطوير وإعمار الساحل الشمالي كان لازم اهل الشر يهاجمو المشروع.