الأحد 25 فبراير 2024
رئيس التحرير
عمرو عامر
المشرف العام
عبدالعظيم حشيش
تحليل

العد التنازلي لتعويم الجنيه بدأ.. إيه اللى هيحصل بعد قرارت السيسي عن الأجور وزيادات مرتبات الموظفين

الخميس 08/فبراير/2024 - 01:24 ص
الجنيه المصري
الجنيه المصري

 
هو ايه اللى هيحصل فى مصر بعد قرارات الرئيس السيسي برفع الحد الأدنى للأجور؟ وليه الرئيس طالب الحكومة بحزمة اجتماعية جديدة لموظفى الدولة؟ وايه علاقة كل ده بالتعويم الرابع للجنيه ؟ وهل خضعت الحكومة لمطالب صندوق النقد؟ 
 

 
من ساعات الرئيس السيسي وجه الحكومة بتنفيذ أكبر حزمة اجتماعية عاجلة للحماية الاجتماعية، بقيمة 180 مليار جنيه، اعتباراً من أول مارس 2024 وهتتم زيادة أجور العاملين بالدولة والهيئات الاقتصادية، بحد أدنى يتراوح بين 1000 إلى 1200 جنيه بحسب الدرجة الوظيفية (1000 جنيه للدرجات من السادسة إلى الرابعة، و1100 جنيه للدرجات من الثالثة للأولى، و1200 جنيه للدرجات من مدير عام إلى وكيل أول وزارة)، من خلال تبكير صرف العلاوة الدورية للمخاطبين بقانون الخدمة المدنية بنسبة 10% من الأجر الوظيفي، و15% من الأجر الأساسي لغير المخاطبين، وبحد أدنى 150 جنيهاً بتكلفة إجمالية 11 مليار جنيه، وصرف حافز إضافي، يبدأ من 500 جنيه للدرجة السادسة، ويزيد بقيمة 50 جنيه لكل درجة، ليصل إلى 900 جنيه للدرجة الممتازة، بتكلفة 37,5 مليار جنيه، بتكلفة إجمالية نحو 65 مليار جنيه، بما ينعكس في رفع الحد الأدنى للأجور بنسبة 50% ليصل إلى 6 آلاف جنيه. 
وشملت الحزمة الاجتماعية اللى وجه بيها السيد الرئيس 15% زيادة في المعاشات لـ 13 مليون مواطن، بتكلفة إجمالية 74 مليار جنيه، و15% زيادة في معاشات "تكافل وكرامة" بتكلفة 5,5 مليار جنيه، لتصبح الزيادة خلال عام 55% من قيمة المعاش على أن يتم تخصيص 41 مليار جنيه لمعاشات "تكافل وكرامة" في العام المالي 2024/2025.
ومن بعد صدور القرارات دي .. وكل الناس بتسأل يا ترى ايه اللى هيحصل الايام الجاية؟ 
طبعا وفقا لسيناريوهات كتيرة حصلت قبل كده فعادة بيتبع قرارات الحماية الاجتماعية تحرك فى سعر الصرف وتقدر تقول كده ان القرارات دي بنسبة كبيرة هتكون مقدمة لتعويم الجنيه للمرة الرابعة خلال اقل من سنتين 
ومعظم مؤسسات التمويل الدولية أكدت ان تخفيض قيمة الجنيه هيكون قبل نهاية الربع الاول من 2024 
طب الدولار هيوصل كام فى البنك لو حصل تعويم؟ 
وفقا لمعظم التقديرات فمتوقع ان التخفيض نسبته تكون من 25 الى 30 % ومتوقع ان سعر الدولار يتراوح ما بين 40 و45 جنيه فى البنوك والهدف من الخطوة دي هو تقليل الفجوة بين السعر الرسمي للدولار وسعره فى السوق السودا 
وهل ده كان مطجلب من مطالب صندوق النقد فى المفاوضات الاخيرة مع الحكومة؟
بالفعل مسئولى الصندوق طالبو الحكومة المصرية بتحرير سعر الصرف وتطبيق سعر مرن للجنيه أمام الدولار عشان يوافقوا على المراجعة الاولى والتانية لبرنامج التمويل اللى اتفقوا عليه مع مصر وكمان رفع قيمة البرنامج من 3 الى مابين 10 و12 مليار دولار وفقا لبعض التسريبات