الخميس 29 فبراير 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

ماذا يعني قرار رفع الفائدة 2%؟ وتأثيره إيه على الدهب والدولار؟

الجمعة 02/فبراير/2024 - 02:32 ص
الذهب
الذهب


لجنة السياسات النقدي بالبنك المركزي أعلنت من شوية القرار المنتظر وقررت اللجنة فى أول اجتماعاتها فى 2024  رفع سعر عائد الإيداع والإقراض لليلة واحدة وسعر العملية الرئيسية للبنك المركزي بواقع 200 نقطة أساس ليصل إلى 21.25%، 22.25% و21.75%، على الترتيب. وتم رفع سعر الائتمان والخصم بواقع 200 نقطة أساس ليصل إلى 21.75%.


وقالت اللجنة انهعلى الصعيد العالمي، اتسم النشاط الاقتصادي بالتباطؤ نتيجة سياسات التقييد النقدي التي اتبعتها البنوك المركزية الرئيسية على الطلب. كما انخفضت الضغوط التضخمية العالمية مؤخراً نتيجة لسياسات التقييد النقدي التي تم اتباعها في العديد من الاقتصادات المتقدمة والناشئة، وعليه تراجعت توقعات معدلات التضخم لتلك الاقتصادات مقارنةً بما تم عرضه في الاجتماع السابق. وبالرغم من ذلك، يوجد حالة من عدم اليقين حول توقعات التضخم، خاصة بما يتعلق بأسعار السلع العالمية وذلك نتيجة للتوترات الجيوسياسية التي يشهدها العالم حالياً وكذا اضطراب حركة الملاحة في البحر الأحمر.

وعلى الصعيد المحلي، سجل الناتج المحلي الإجمالي الحقيقي معدل نمو قدره 2.7% خلال الربع الثالث من عام 2023 مقارنةً بمعدل 2.9% خلال الربع السابق له. وجاء النمو مدعوماً بالمساهمات الموجبة لكل من قطاع التجارة والزراعة والاتصالات.

طب القرار ده معناه ايه ؟ وهيأثر على الأسواق إزاي؟
لازم نكون عارفين ان قرار رفع سعر الفايدة هو اصعب قرار على اى صانع سياسات نقدية فى العالم لكن زي ما بيقولوا هو شر لابد منه وده لأن التضخم واصل جنونه وتوحشه وعدا ال 40% لأول مرة فى تاريخ مصر ولازم اجراءات على الارض تقلل من التضخم وتهدي الأسواق وعشان كمان يقلل حجم السيولة النقدية فى السوق ويخفف الضغط على الاحتياطي النقدي 
طب هل الاسعار هتزيد ؟ 
طبعا فيه ارتباط صحيح مش كبير بين رفع الفايدة وارتفاع الاسعار لكن فى اوضاع استثنائية زي اللى بنعيشها متوقع نشوف تحريك فى الاسعار خصوصا مع أزمة نقص العملة الأجنبية وأكتر حاجة هتتاثر بده هى الدهب والدولار  خصوصا فى ظل الطلب المتزايد على المعدن النفيس باعتباره مخزن قيمة وملاذ آمن فى الاوقات الصعبة زي اللى بنعيشها اليومين دول

بس لو حصل تحريك لسعر الصرف ممكن نشوف هبوط فى سعر الدولار فى السوق السودا لأن الفجوة بين سعر الدولار فى البنوك وسعره فى سوق الصرف الموازية هتقل والمعروض هيزيد