السبت 24 فبراير 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

الحل في القمح.. فكرة جديدة للحكومة لتوفير دولارات الاستيراد

الثلاثاء 30/يناير/2024 - 03:00 ص
القمح
القمح

 

فاتورة استيراد للحبوب وابرزهم القمح واللي بنستورده بالعملات الاجنبية  ارتفعت بشكل كبير في الفترة الاخيرة خصوصا بعد قيام الحرب الروسية الاوكرانية اللي هما الدولتين الأكبر في تصدير القمح لاغلب دول العالم ومنهم مصر، وده خلي باقي الدول المصدرة للحبوب والقمح ترفع اسعاره بارقام كبيرة... وفي الوقت الحالي في شبح مجاعة بيهدد اغلب دول العالم.. لكن الحكومة المصرية لقت حل هيخلص مصر من اغلب مشاكلها بخصوص القمح.. وهيوفر معانا كتير في فاتورة الاستيراد وهيرحنا بشكل نهائي من ازمة استيراد القمح.
 


القمح واحد من ابرز الحاجات اللي بستورده مصر من بره، وارتفعت فاتورته الاستيرادية بشكل كبير في الفترة الاخيرة بعد قيام الحرب الروسية الاوكرانية اللي هما الدولتين اللي كانوا بيعتبروا سلة الغذاء لاغلب دول العالم، وهما المصدر الأول للقمح للدول، وده اجبر الدول المصدره للقمح علي رفع اسعاره للدول المستوردة واللي منهم مصر اللي بتعتبر من اكبر المستورين للقمح علي مستوي العالم.. وبسبب الحرب الروسية الاوكرانية تضاعف فاتورة مصر الاستيرادية من القمح بالعملة الاجنبية مرات المرات في عز الوقت اللي بنعاني منه من نقص للعملات الاجنبية وعل راسهم الدولار .
وزارة التموين أكدت أن استيراد مصر من القمح بيوصل سنويا لـ20 مليون طن، وكنا في السنين الي فاتت بنستورد القمح علي دفعات بمعني اللي بتحتاجه بنجيبه، ولكن الاحداث والصراعات الموجودة حاليا دفع اغلب الدول لتوفير احتياطي استراتيجي من القمح لتامين غذاء المواطنين.. ومصر لقت الحل انها تتعاقد علي القمح اللي هتحاجه كله مرة واحدة من دول مختلفة، ولكن كانت الازمة الموجودة عندنا مفيش اماكن نخزن فيها المحصول.
وعلي طول الحكومة بدأت تفكر في حل ازمة استيراد القمح وبدأت تبني 6 صوامع جديدة باستثمارات 145.6 مليون دولار هتوفر الوكالة الفرنسية للتنمية منهم 61.5 مليون دولار كمنحة للمشروع، ومصر هتمول الباقي بتكلفة 84.1 مليون دولار، والصوامع دي هترفع الطاقة الاستيعابية لصوامع تخزين القمح من 420 ألف طن الي 4.620 مليون طن.
طيب انا بنستور قمح اد اية سنويا؟.
الدكتور علي مصيلحي وزير التموين والتجارة الداخلية، اكد أن وردات مصر من القمح ارتفعت في 2023 بنسب تتراوح بين 12 و15% عن نفس المستويات اللي استوردنها في 2022 واللي وصلت لـ 9.6 مليون طن.
وزير التموين أكد أن مصر بتستهدف في الوقت الحالي زيادة الطاقة الاستيعابية للصوامع من 2.5 إلى 3 ملايين طن علي مدار 4 سنين علي اقصي تقديرعلشان نقدر نرفع الطاقة التخزينية للقمح بنسبة تترواح من 6.5 لـ 7ملايين طن.

مصيلحي أكد كمان، ان سعات صوامح القمح التخزينية كانت كافة بالنسبة لعدد سكان مصر في السنة اللي فاتت، ولكن النمو السكان في مصر وتدفق اللاجئين واللي صلوا لـ 9 مليون لاجئ دفع الدولة لزيادة القدرة التخزينية للحبوب في مصر لمواجهة الصدمات السعرية لأسعار القمح عالميا خصوصا بعد الحرب الروسية الأوكرانية.
وعن طرح القمح في البورصة السلعية، وزير التموين قال، أن الوزارة قررت تعليق طرحه مؤقتا بسبب المضاربة فيه واللي رفعت سعره بشكل كبير، وان الوزارة هستأنف طرحه مرة ثانية في البورصة السلعية في وقت قريب، وان احتياطي القمح الموجود عندنا يكفينا لمدة 4.2 شهر، وان الوزارة بتسهدف رفعه من 6 الي 7 اشهر مع بداية تشغيل صوامح التخزين الجديدة.