السبت 13 أبريل 2024
رئيس التحرير
عمرو عامر
المشرف العام
عبدالعظيم حشيش
تحليل

من درج مسؤول كبير.. 3 مليار دولار جديدة تدخل خزينة مصر

الخميس 11/يناير/2024 - 02:30 ص
الدولار
الدولار

  

خلاص أزمة الدولار فى طريقها للحل وخلال ايام قليلة مصر هتتسلم مبلغ حوالى 5 مليار دولار وشوية واللى بيحصل فى السوق السودا هينتهى فى وقت قريب جدا والدولار بدأ يتراجع فعلا فى السوق السودا فى الساعات الأخيرة مع اقتراب الحكومة من الاعلان عن الاتفاق الجديد مع صندوق النقد الدولي.. فيا ترى ال 5 مليار دولار دول هييجوا منين؟  والحكومة هتستخدمهم فى ايه  بالظبط ؟ وايه علاقة الموضوع ده باعلان الحكومة عن زيادة جديدة فى المرتبات والمعاشات ؟ وايه القرارات الجريئة اللى هياخدها البنك المركزي خلال الفترة الجاي؟

 

من ساعات قليلة وزيرة الخزانة الأمريكية جانيت يلين أعلنت خلال لقاء ليها مع لقاء مع محافظ البنك المركزي  حسن عبدالله، ووزير المالية محمد معيط،ووزيرة  والتعاون الدولي رانيا المشاط.  دعم الولايات المتحدة لمصر بشكل قوي وقالت ان واشنطن بتدعم  برنامج الإصلاح الاقتصادي فى مصر

وشدد وزيرة الخزانة الامريكية على هدف تعزيز الاقتصاد المصري ودعم النمو الشامل والمستدام وناقشت مع المسئولين المصريين التطورات الإقليمية، بما فيها التحديات اللي بيواجهها الاقتصاد المصري بسبب الصراع في غزة وأعربت عن تقديرها للجهود المصرية.

وبعد اجتماع المسئولين المصريين مع وزيرة الخزامة المريكية فيه اجتماع مهم تانى هيعملوه مع المسئولين فى صندوق النقد الدولى لوضع الرتاوش النهائية على اتفاق تمديد قرض ال 3 مليار ورفعه الى 6 مليار دولار ووفقا لمعلومات بانكير من مصدر مسئول ان مصر حصلت بالفعل على نموافقة الصندوق على زيادة البرنامج من 3 الى 6 مليار دولار بسبب ادراك المسئولين فى الصندوق للصعوبات والتحديات اللى بتواجهها القاهرة بسبب اللى بيحصل فى منطقة الشرق الاوسط

طب ايه تأثير ده على أزمة الدولار فى مصر؟

فيه تاثير كبير جدا للاتفاق الجديد مع صندوق النقد على الأحوال فى مصر وكفاية تعرف ان من وقت ما تم تسريب معلومات عن زيادة القرض بدأ يحصل انهيار وتراجع كبير فى سعر الدولار فى السوق السودا وده لأن سوق العملات بيتأثر بأى أخبار ايجاتبية عن قدرة مصر على توفير سيولة دولارية وعادة بيحصل هبوط كبير فى سعر العملة الامريكية مع اى اخبار عن توافر الدولار والعكس صحيح

 

وهل بناء على كده فيه تعويم ولا لأ ؟

موضوع سعر الصرف مكنش مطروح المرة دي في المفاوضات بين مصر ومسئولى الصندوق والموضوع مش اولوية حاليا على طاولة المفاوضات وفكرة تحريك سعر الصرف هتكون مرتبطة بالتطورات اللى هتحصل فى سوق الصرف الفترة الجاية والبنك المركزي بيدرس بشكل قوى ايه اللى ممكن يتعمل وهياخد القرار بناء على المعطيات الجديدة اللى هتتوفر قدامه

طب وايه حكاية زيادة المرتبات والعاشات اللى تم الاعلان عنها ؟

الدولة ملتزمة بدعم محدودى الدخل والموظفين من خلال حزم اجتماعية الغرض منها تقليل آثار التضخم والأزمة الاقتصادية وارتفاعات السعار على حياة المواطنين والرئيس السيي اعطى تكليفات للحكومة بالعمل على توفير مخصصات لتحسين أحوال الناس ومتوقع خلال الفترة الجاية يتم الاعلان عن حزمة جديدة هتشمل زيادة المرتبات للعاملين فى الجهاز الاداري للدولة وكمان لأصحاب المعاشات

هل معنى كده ان فيه زيادات جديدة فى الاسعار ؟

بنسبة كبيرة 2024 هتشهد شوية زيادات بس مش هتكون كبيرة زي آخر سنتين والحكومة اعلنت ان ده ممكن يحصل وعشان كده بيتم التجهيز لحزمة الدعم الجديدة لتخفيف حدة الأزمة على حياة الناس بس على اول 2025 الأمور هتبدأ تظبط ومتوقع ان الجنيه يبدأ يسترد جزء من عافيته على نص السنة الجاية ان شاء الله وفقا لتصريحات رئيس الحكومة الدكتور مصطفى مدبولى