قبل ما تشتري.. شوف أسعار الدهب اليومين اللي جايين

الدهب هينزل.. الدهب هيوصل 5 الاف جنيه.. دا حال المصريين دلوقتي إللي بسسألوا كل شوية عن الدهب ويقوم حد يتكلم من غير مايكون عنده خبرة ولا خلفية عن السوق ويقول أي حاجة..
هنقولك في الجنيه نيوز الدهب رايح على فين وامتي تشتري وامتي تبيع زي ما بينصح خبرء الدهب والسوق...
شفنا الارتفاعات الكبيرة اللي سجلها سعر الدهب على مدار الأسابيع اللي فاتت، وكسر عيار 21 حاجز 3000 جنيه لاول مرة في تاريخه.. وعلى الصعيد العالمى ارتفع سعر أونصة الدهب داخل البورصة العالمية، وسجل 2087 دولارًا، ليبلغ  ذروة ارتفاعاته محليًا وعالميًا،  ولأن الدهب سلعة بتتأثر بحاجات كتير زي سعر الدولار والسعر العالمي والعرض والطلب والاشاعات فطبيعي تكون التوقهات صعبة لأنه ممكن تحصل اي أزمة عالمية تضيع كل التوقعات.
نادى فرج، مستشار وزير التموين، قال إن سعر الدهب فى مصر ارتفع نتيجة الضغط على الشراء داخل السوق، قال إنه في الوقت الحالى هو وقت مناسب للتوقف والتمهل عن الشراء، بسبب تذبذب الأسعار، ويفضل الانتظار حتى استقرارها.

وبخصوص توقعات الأسعار في الأيام الجاية قال فرج إن هناك توقعات بأن ينخفض سعر الدهب الفترة الجاية وإن عيار 21 هينزل لسعره العادل 2900 جنيه.

أما نادى نجيب، سكرتير عام شعبة الدهب السابق وخبير الدهب الشهير فشايف إن سعر الحرب في غزة هي سبب الارتفاع التاريخي في أسعار الدهب بجانب اتجاه المستثمرين إلى الاستثمار فى المعدن الأصفر، وشراء كميات كبيرة من السبايك والجنيهات.

وتوقع الخبير الكبير إن سعر الدهب هيواصل ارتفاعه بين 10 و15 جنيه، مع استمرار الحرب، وان سعر الدهب عيار 21 هيستقر عند 3000 جنيه.، وأشار إلى أن الوقت الحالى هو أفضل وقت للمستثمرين فى الدهب.

واتفق أمير رزق، خبير المشغولات الذهبية، فى الرأى مع نجيب، وقال إنه فى ظل الارتفاعات العالمية، والمؤشرات الحالية أصبحت الشبكة للمتزوجين تقتصر على خاتم زواج فقط، وبعض الإضافات البسيطة، وإن اللي عاوز يشتري لازم يصبر شوية.