مافيش مخاطرة وهاتحقق أرباح.. استراتيجية تنفيذ مشروع مربح في الفيديو دا

أي حد من رواد الأعمال بيتطلع لتنفيذ مشروع يحقق المعادلة.. وهو أنه يكسب ويبعد عن المخاطرة.. وعلشان كدا هانقولك على استراتيجية تحاول تبعدك عن الخسارة تمامًا.

طول ما أنت فيك نفس لازم تكون طموح وعندك هدف وعايز تحقق حاجة وبتسعى إليها بكل إصرار.. وأي مشروع زي ما هو محتاج منك تخطيط فهو برضوا محتاج منك نوع من المخاطرة.

وعلشان كد هانقول على بعض المعايير اللي بينصح بيها خبراء الأعمال علشان تضمن انتقاء فكرة مربحة تتسم بأقل قدر من الخطورة.

حاجة مهمة لازم تحددها قبل ما تبدأ في تنفيذ أو الإعداد لأي مشروع.. وهو أنك تعرف القدرات المعرفية والمهارات الفعلية اللي بتمتلكها في الوقت الراهن، وهل عندك شهادات أو خبرات في مجال معين، وبعدين تبني على دا وفقًا متطلبات المشروع  اللي ناوي تنفذه.

لازم  في مرحلة التجهيز لمشروع خاص بيك هو أنك تحدد عدد الأشخاص اللي أنت عايز تستعين بيهم لبدء العمل، لأن في مشاريع لا تتطلب غيرك، ومشاريع تانية بتتطلب أكتر من شخص للقيام بالعديد من المهام.

كمان من المهم عند التخطيط لبدء مشروع جديد هو أنك تدرس كل شيء، وأنك تحط تصوراتك المبنية على دراسات بحثية بشأن المشروع والتحديات اللي ممكن تقابلك، وفرص واحتمالات الربح والخسارة، ودا علشان تضمن أنك تبدء بشكل مناسب.

يعني لازم تحسب التكلفة المقدرة، والأرباح المتوقعة، لأن دا أساس أي مشروع جديد.

ولو أنت عايز هيئة تتولي مسئولية تأسيس مشروع خاص بيك فأنت برضوا تقدر تعمل كدا.. وكمان هاتمولك لو مامعكش فلوس ودا بيكون من خلال جهاز تنمية المشروعات  المتوسطة والصغيرة ومتناهية الصغر.

والجهاز دا مكانه في 120 محي الدين أبو العز - الدقي - الجيزة.. وتقولهم أنا عايز اعمل المشروع الفلاني ومحتاج كذا وكذا.. حتى لو مش عارف تبلور مشروعك في فكرة محددة.. هما هايقولولك.

والميزة في الجهاز  دا إنه هايديك التمويل اللازم لمشروعك سواء.. قروض متوسطة الأجل لتمويل شراء الآلات والمعدات أو  قروض متوسطة الأجل لتمويل شراء الآلات والمعدات أو مقترن بتمويل رأس المال العامل ودورات النشاط.

إحنا النهاردة قولنالك ازاي تبدأ مشروعك وحتى لو مامعكش فلوس تبدأ مشروعك تعمل اية.. يلا بقى فكرة وابدأ