الأحد 26 مايو 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

نصائح الاستثمار في الذهب.. لازم تشوف الفيديو دا

الجمعة 24/نوفمبر/2023 - 01:01 ص
الذهب
الذهب

الدهب هو أفضل وسيلة استثمار آمن.. ووسيلة تحوط هايلة.. وأغلب الناس بتلجأ للاستثمار فيه.. النهاردة هانقولك تعمل اية لما تيجي تستثمر في الذهب.. واية اللي تستثمر فيه واية اللي تتجنبه

 


خلينا الأول نقول لحضراتكم إن الذهب دلوقتي وصل ٢٧٢٥ جنيه للجرام.. ودا بالنسبة لعيار ٢١.. بينما سعر الجنيه الذهب ل 22200 جنيه.

ولو بتفكر في الاستثمار في الذهب على طول لازم تفكر في  الجنيه الذهب أو السبائك سواء 5 أو 10 أو 20 جرام..

ودا لأن السبائك الذهبية تحديدا وزنها كبير ودا هايخلي مقدار المصنعية أقل على كل جرام، لكن المشغولات الذهبية التانية هاتلاقيها بتاخد منك مصناعية كتير.

يعني على سبيل المثال.. في المشغولات الذهبية المصنعية بتتراوح ما بين 100 - 170 جنيه للجرام وبتصل إلى 200 جنيه فى البراندات الكبيرة.. إنما سعر المصنعية على الجرام فى الجنيه الذهب 50 جنيه يعنى متوسط المصنعية فى الجنيه الذهب بالكامل ووزنه 8 جرام من 250 إلى 400 جنيه.. لكن سعر المصنعية فى سبيكة الذهب 50 جنيه للجرام وكل ما يزيد وزن السبيكة بتقل المصنعية.

ونصيحة مننا بقى هو أنك تركز بشكل كبير على الأوقية وخاصة  عيار 24 لأن دا نسبة نقاؤه بتصل ل 999.9 وبتبقى ذهب خالص خالى من الشوائب والنحاس تقريبًا.

كمان وأأنت بتشترى الذهب لازم تاخد فاتورة الشراء.. علشان تضمن  حقك ولازم تكون مختومة من الجواهرجى ومكتوب فيها التفاصيل.

وعلشان مايتنصبش عليك.. فالأفضل أنك تتعامل مع محال ذهب كبيرة ولها اسمها علشان تضمن حقك.

ولازم بس تاخد بالك من حاجة هو إن الذهب  سعره بيتحدد فى مصر وفقًا لسعره فى البورصات العالمية وسعر الدولار أمام الجنيه والعرض والطلب.. وعلشان العوامل دي دايما متغيرة ف سعره بيزيد وبينخفض بشكل مستمر.

المهم ضروري تعرف لو معاك فلوس زيادة وعايز تستثمرها لمدة أكثر من سنة وتحقق مكسب كويس ممكن تشترى الذهب ولو عايز دخل شهرى ثابت يبقى الشهادات البنكية.. 
بس وجهة نظرنا في ظل الظروف الصعبة اللي بيمر بيها الاقتصاد هو أنك تلجأ للذهب لأنه هايحميك وقت الأزمات.