أول مسمار في نعش الدولار.. البنك المركزي بدأ خطة التحرر الكبرى

قولنا لحضراتكم كتير قبل كده ان البنك المركزي شغال بقوة لانهاء أزمة نقص العملة اللى بتعانى منها مصر من مارس 2022.. وأكدنالكم ان اللى بيحصل فى السوق السودا للعملة صعب يستمر وان المسئولين عن السياسة النقدية مش بيناموا تقريبا عشان يوصلوا لحلول جذرية لأزمة الدولار فى مصر.. وفى الساعات الأخيرة حصلت كام حاجة بتقول خلاص ان البنك المركزي رسميا حط اول مسما فى نعش الدولار وكلها مسألة وقت وزي ما قال الرئيس عبدالفتاح السيسي ازمة الدولار هتبقا تاريخ زيها زي أزمات كتير مصر مرت بيها وعبرت على خير.. فيا ترى ايه اللى حصل ؟ وايه خطة البنك المركزي للتحررر من نفوذ العملة الأمريكية؟ وهل مصر فعلا تقدر تتخلى عن الدولار ولا دي مجرد احلام وردية مالهاش أساس على الأرض؟

من ساعات وقع البنك المركزي المصري برئاسة حسن عبد الله، محافظ البنك،  اتفاقية ثنائية مهمة جدا مع مصرف الإمارات العربية المتحدة المركزي برئاسة خالد محمد بالعمى، محافظ مصرف الإمارات المركزي، لمقايضة الدرهم الإماراتي والجنيه المصري.

وبتتيح الاتفاقية للطرفين مقايضة العملات المحلية بقيمة إسمية تصل إلى 5 مليارات درهم إماراتي و42 مليار جنيه مصري.

وعلى هامش توقيع الاتفاقية أكد حسن عبد الله ان اتفاقية مبادلة العملات بين مصر والامات بتأتي في إطار التعاون المستمر بين البلدين  ودعمًا لأواصر التعاون وبتعتبر عملية المقايضة حجر الأساس في دعم التعاون المالي بين البلدين بالعملة المحلية.

وبتعكس اتفاقية مقايضة العملات بين مصر والامارات مدى عمق ومتانة العلاقات الثنائية بين الإمارات ومصر وبتشكل فرصة مهمة لتطوير الأسواق الاقتصادية والمالية بين الجانبين انطلاقًا من الحرص  على دعم العلاقات الثنائية في كل المجالات والعمل بما يحقق المصالح المشتركة اللي بتنعكس بشكل إيجابي على القطاعات التجارية والاستثمارية والمالية وتعزيز الاستقرار المالي.

مش بس مبادلة عملات مع الامارات لا مصر بتلعب على كبير وخلال زيارة كان قام بيها محافظ البنك المركزي حسن عبدالله للصين مؤخرا ناقش مع المسئولين هناك اخر التطورات فيما يتعلق باتفاقية مبادلة العملات بين مصر والصين فى إطار تعزيز التعاون الاقتصادى والمالى بين البلدين وفى ضوء توجيهات القيادة السياسية بدفع التعاون فى اتفاقية مبادلة العملات والإسهام فى الاستقرار المالى، وعزم الحكومة المصرية إصدار سندات الباندا المقومة باليوان الصينى.

وأهمية اتفاقية مبادلة العملات مع الصين مهمة جدا لأن الصين تعدّ من أهم الشركاء التجاريين لمصر على مستوى العالم، وحجم التبادل التجاري بين البلدين بلغ العام الماضي حوالى 16 مليار دولار وده رقم كبير جدا ممكن مصر توفرلوا لو تعاملت مع الصين بالعملات المحلية وده هيخفف الضغط على الاحتياطي النقدي من الدولار وكمان هيقلل فاتورة الاستيراد

وبتحرص الحكومة المصرية خلال المرحلة الحالية على إيجاد توازن بالميزان التجاري  مع الصين من خلال زيادة الصادرات المصرية للصين، والترويج للمنتج المصري بين أوساط الشعب الصيني.

وخد بالك التحركات اللى بيعملها البنك المركزي فى ملف مبادلة العملات مع انضمام مصر بشكل رسمي فى اول 2024 لبريكس كل ده هيساهم فى حل أزمة نقص العملة اللى بتعاني منها مصر بقالها حوالى سنيتن وباذن الله تنتهى ازمة الدولار والاحوال تتحسن