كان زمان يادولار.. رسميا البركس يجهز عملة جديدة مدعومة بالدهب

البريكس مش هتنازل عن العملة الجديدة والدب الروسي مش هيسيب الدولار حر طليق بعد العقوبات والإهانة الأمريكية وبوتين مش بينسى تارة.. دي الحقيقة اللي الأمريكان عارفينها وخايفين منها وبيحاولوا يخفوا القلق دا بتصريحات وتحليلات عن فشل العملة المرتقبة للبريكس وإنه مش هيكون ليها تأثير على الدولار وكمان الخبراء الامريكان والغرب بيطلعوا تقارير إإن الدولار مش ممكن يفقد عرشه كعملة عالمية ودي كلها ظواهر بتقول إن عملة البريكس عاملة رعب للعالم.

فيه احتمال كبير إن روسيا هتتولى رئاسة البريكس السنة  الجاية ودا أكد أو دلالة على قرب إعلان عملة مستقبلية لدول التكتل الضخم، والتي يتصور البعض أنها قد تكون مدعومة بالدهب.

وفي تحليل حديث كشف دانييل مكارثي، الخبير الاستراتيجي في  DailyFX.com، إن الدول الناشئة بدأت بالفعل في تجميع الدهب استعدادًا لإنشاء العملة المشتركة.

واعترف مكارثي إن دول البريكس الرئسية البرازيل وروسيا والهند والصين بتدورعلى بديل للدولار الأمريكي كعملة احتياطية، ورغبىة روسيا وإصراره على اختراع بديل العملة الأمريكية بيزيد كل يوم لأن الموضوع عندها مختلف وبيتعلق بالكبرياء الروسي والإهانة اللي اتعرضلها القيصرودا بيرفع احتمالات صدوره السنة الجاية خلال رئاسة روسيا للبريكس وهيتم دعم العملة الجديدة بالدهب لدعم قيمتها وقدرتها على منافسة الدولار في التجارة الدولية.

وكشف مكارثي إن الصين ودول تانية بدأت بالفعل الاستعدادات لإصدار العملة وجمع الدهب وإن الأداء الجيد لسعر الدهب في الأسابيع الأخيرة ممكن يكون هو سبب الظاهرة دي.

وروسيا أعلنت أكتر من مرة إنها ملتزمة بتعزيز مبادرات في مجال إلغاء سطوة الدولار، واقصائه من عرش العملات.

وأضاف أن "المشاورات مستمرة بشأن إنشاء أدوات دفع فعالة في إطار البريكس، بشكل مستقل عن الغرب، فضلا عن منصة آمنة للتسويات متعددة الأطراف عبر الحدود".