التعويم على الأبواب.. خطوات جديدة من الحكومة لحسم مصير الجنية
واضح كده ان تعويم الجنيه قرب جدا.. وواضح ان الحكومة حسمت أمرها وهتخفض سعر العملة من جديد عشان تعرف تواجه الضغوط اللى بيتعرض ليها الجنيه فى الفترة الأخيرة واللى خلت التضخم يوصل لمعدلات غير مسبوق.. بس يا ترى ايه اللى مأخر القرار لحد دلوقتي؟ وممكن يصدر امتى تحديدا ؟ وايه اللى بتعملوا الحكومة استعدادا للتخفيض المنتظر فى قيمة الجنيه؟.
فى الفترة الأخيرة الحكومة شغالة باصرار كبير على تعزيز السيولة الدولارية وعلى توفير اكبر كمية من النقد الأجنبي من خلال خطة الطروحات االحكومية اللى بتشمل بيع حصص فى شركات كتير مملوكة للدولة وده حصل فعلا وقدرت الحكومة توفر حوالى 2 مليار دولار من بيع بعض الشركات وفيه شركات تانية هيتم طرحها على المستثمرين خلال الفترة الجاية وسط ترقب لتخفيض جديد في قيمة الجنيه تزامنا مع مراجعة صندوق النقد الدولي للبرنامج التمويلي الخاص بمصر.
وفى وقت سابق توقعت مذكرة بحثية لوكالة "إس آند بي جلوبال" خفض سعر صرف الجنيه أمام الدولار خلال الفترة القادمة لينهي 2023 عند مستوى 37 جنيه للدولار الواحد في السوق الرسمية.. ورهنت المذكرة التوقعات دي بمضي مصر قدما نحو الانتقال إلى نظام سعر صرف مرن كما هو محدد في اتفاقها مع صندوق النقد الدولي اللى تم فى ديسمبر اللى فات واتفق فيه الطرفين على قرض بقيمة 3 مليار دولار مقابل تنفيذ عدة إجراءات منها مرونة سعر الصرف وبيع أصول حكومية.
وكان المفروض الصندوق يعمل مراجعة أولى لقرض مصر في مارس اللى فات لكن تأخر مصر في تنفيذ بع ض الإجراءات ومنها تخفيض قيمة الجنيه عطل المراجعة.
وبتتوقع الوكالة أن تنتهي مصر من المراجعة الأولى للصندوق في الفترة من سبتمبر إلى أكتوبر على أن تشهد الفترة دي تعديل جديد في سعر صرف الجنيه يعنى احنا كده بنتكلم عن تعويم جديد هيحصل اما الشهر الجاى او اللى بعده
ومن صفاقات الطروحات المهمة اللى بتتم فى الكواليس حاليا بتتفاوض شركة "المتحدة للتبغ" التابعة لشركة "فيليب موريس" شركة التبغ الأكبر في العالم، مع الحكومة المصرية على شراء حصة أقلية في الشركة الشرقية للدخان "إيسترن كومباني" اللي بتمتلك حصة سوقية بحوالي 75% من سوق السجاير في مصر وتبلغ قيمتها السوقية نحو 39 مليار جنيه أى ما يوزاي (1.3 مليار دولار) وفق بعض التقديرات الحكومية.
المفاوضات بتتم دلوقتي "بين المتحدة للتبغ والحكومة متمثلة في الشركة القابضة ووزارة المالية مش مع صندوق مصر السيادي والخلاف حاليا على النسبة اللى هيتم بيعها لأن الحكومة مش عاوزة تتخلى عن نسبة الأغلبية فى الشركة
مش بس الشرقية للدخان الحكومة بتستعد كمان لاستئناف إجراءات طرح بنك "القاهرة" مرة تانية خلال الفترة المقبلة بعد الوقوف على نتائج عملية بيع "المصرف المتحد"، وكمان بتدرس ضم "سي آي كابيتال" إلى جانب "هيرميس " لإدارة الطرح.
وبتستعد الحكومة كمان لطرح 49% من بنك القاهرة في البورصة ما بين طرح عام وطرح خاص لمؤسسات مالية قبل نهاية السنة دي.
وبدأت الحكومة تجهيز البنك بتقييم مبدئي يتراوح ما بين 550 و600 مليون دولار، ومن المرجح ان يتم الطرح خلال الربع الرابع من العام الجاري، واوضح أن التقييم الحالي انخفض عن التقييم الأخير للبنك قبل أزمة "كورونا" البالغ نحو 700 و750 مليون دولار.
وبدأت 3 بنوك محلية عاملة في مصر إجراءات الفحص النافي للجهالة على المصرف المتحد المملوك للبنك المركزي المصري، في إطار خطة الدولة بيع أكثر من 32 شركة مملوكة للدولة.
وبدأت شركة "المملكة هولدينجز ليميتد" الصينية مفاوضاتها للاستحواذ على إحدى شركات الغزل والنسيج التابعة لقطاع الأعمال العام.
