الإثنين 27 مايو 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

كيان جديد عملاق يقلب الموازين في سوق العقارات المصري.. أصحابه مفاجأة

الخميس 17/أغسطس/2023 - 11:23 م
كيان عقاري جديد
كيان عقاري جديد

 

ايه اللي بيحصل في سوق العقارات المصري وايه حكاية العملاق العقاري الجديد اللي اتشكل وهيتم الاعلان عنه الفترة الجاية ومين اللي داخل فيه وكام حجم رأس المال والمشروعات اللي هينفذها وايه حكاية الشخصيات التقيلة اللي هتقتحم عالم العقارات في مصر 
 


 من كام يوم لما اتكلمنا هنا في بانكير وقلنا إن الدول القوية هي اللي تقدر تصنع براندات قوية في كل المجالات وفي كل الصناعات وضربنا مثل بمرسيدس ألمانيا وتويوتا اليابان وسامسونج كوريا بمعنى إن كل بلد ليها شركات أو علامة تجارية قوية عالميا بميزانيات خيالية بتعدي ساعات كتير ميزانيات دول باعتبار دا طريق لاختراق أسواق العالم واتكلمنا لو فاكرين عن براندات الشركات العقارية في العالم وازاي بتخلف الفرق في اقتصاد دولتها زي العملاق العقاري الكندي بروكفيلد،  واللي بتملك أصول تحت الإدارة بلغت 688 مليار دولار، وقيمة سوقية 69.7 مليار دولار.
واتكلمنا كمان عن براندات شركات العقارات في مصر وضربنا مثل طبعا مصطفى واعمار مصر واوراسكوم والمقاولون العرب وماونتن فيو للتنمية والاستثمار العقارى وبيفرلي هيلز وسوديك وحققت 5 شركات منها مبيعات ب 143 مليار جنيه في 2022.
وحسب منصة Grand View Research من المتوقع أن تحقق سوق العقارات الدولية، 4.26 تريليون دولار ارباح بحلول  2025،وده بيكشف لنا حجم سوق العقارات في العالم اللي مليان فرص ويقدر يغير بوصلة اقتصاد أي دولة.

ليه بنتكلم عن شركات العقارات نهاردة .. عشان ببساطة حضرتك فيه تحالف مصري عملاق بيتكون دلوقتي في مصر هيغير خريطة الاستثمار العقاري في مصر وهيتولد كيان جديد بحجم استثمارات وتشغيل ضخم.. ياتري إيه هو الكيان العقاري الجديد.

بحسب مصادر عقارية مطلعة فيه  تحالف عقاري ضخما تم تدشينه خلال الأيام القليلة اللي فاتت، ومنتظر الإعلان عنه رسميا في أكتوبر اللي جاي وبيضم عدد من كبار رجال الأعمال في مصر في القطاع العقاري وغير القطاع العقاري وكمان برلمانيين.

وقالت المصادر إن التحالف الجديد بيضم رجل الأعمال هاني العسال وولاده رئيس مجلس إدارة مجموعة مصر إيطاليا للتطوير العقاري وعضو مجلس الشيوخ ووكيل لجنة الإسكان بالمجلس، والدكتور عبد الله كامل هاشم رئيس مجلس إدارة شركة إبني للتطوير العقاري، وعضو غرفه التجارة المصرية الأمريكية وعضو جمعية شباب الأعمال المصريين بالاضافة إلى رجل الأعمال أحمد العزبي صاحب صيدليات العزبي الشهيرة، واللي بيدخل لأول مرة مجال الاستثمار في القطاع العقاري، وبيضم التحالف كمان الدكتور محمد راشد عضو غرفة صناعة التطوير العقاري بإتحاد الصناعات المصرية.

اسم الكيان العقاري الجديد  هو «H .E .Developments» وهيوصل رأسمال الشركة بين 500 مليون ومليار جنيه، والشركة الجديدة بدأت فعلا دراسة 3 مشروعات ضخمة منها مشروع عقاري سياحي في الساحل الشمالي ومشروع تجاري وإداري وطبي في القاهرة الجديدة بالإضافة إلى مشروع سكني في القاهرة الجديدة أيضا.

وحسب المعلومات تم اختيار كريم بيرم رئيسا للقطاع التجاري للشركة الجديدة، والي سبق واتولي رئاسة القطاع التجاري للعديد من الشركات العقارية منها، هايد بارك للتطوير العقاري.
كل المعلومات المتوفرة بتقول إن الكيان الجديد هيقلب موازين صناعة العقار في مصر باستثمارات مليارية وهيكون إضافة لبرنامج الدولة لتصدير العقار الفاخر بمصر للأسواق الخارجية وخاصة الخليجية.