هز كرشة ب ١٠٠ مليون.. حكاية البلوجر التركي «ياسين» اللي مولع الدنيا في مصر

في ناس راس مالها فلوس.. وفي ناس راس مالها عيلة كبيرة.. لكن دا راس ماله كررررررشة

يهزه بس ياخد ملايين.. والمطاعم بتكلمه ليل نهار

طبعا عرفت أننا بنتكلم عن  البلوجر التركي ياسين جنكيز اللي أول ما أعلن أنه جاي مصر.. مطاعم كبيرة وبراندات وفنادق كلموه بس علشان يجي يصور عندهم.. ودا كله علشان حاجة واحدة بس أنه يشغل أغنية ويهز عليها كرشة ووراه يظهر اسم المطعم أو الفندق.. ودا كله عشان صفحته عليها ملايين

البلوجر  ياسين جنكيز، من أصل تركي وقدر وهو في سن ٣٢ سنة أنه يحقق  ثروة طائلة، وشهرة واسعة، بسبب فيديوهاته على السوشيال ميديا، واللي مابتتسببلوش أي إرهاق.. كل اللي عليه أنه يهز كرشة بس.

هو من مواليد مدينة إسطنبول التركية مواليد سنة 1991 ولسه عايش هناك، واكتسب شهرة كبيرة من خلال مقاطع الفيديو اللي بينشرها وهو بيرقص بطريقة طريفة.

والبلوجر التركي ياسين جنكيز يلقب بأبو كرش، ودا علشان وزنه اكتر من ميه كيلو جرام، وعنده على صفحاته اكتر من 14 مليون و400 ألف متابع.

كل اللي بيعمله أنه يروج للمنتجات ويسوق للأماكن.. وطبعا ألف واحد يتمنى ياسين يروحله دا هزة كرشة بس تساوي ملايين.

اليومين دول أعلن ياسين عن زيارته لمصر.. جه هنا وزار الأهرامات وراح كذا مطعم والمشاهدات عليه تجاوزت ال ١٠٠ مليون جنيه.. يعني تقدر تقول كدا الشعب كله شاف فيديوهاته.

شوفتم بقى فايدة الكرش اية.