وأنت في البيت.. طريقة شراء الشهادة الدولارية أون لاين
الخميس 03/أغسطس/2023 - 01:17 ص
أنت عارف أنك وأنت قاعد في البيت مأنتخ.. تقدر تشتري الشهادة الدولارية اللي طرحها بنكي الأهلي ومصر بفايدة تصل لـ 7% واللي مدتها 3 سنين.
الطريقة سهلة وبسيطة.. ونقولهالك علشان تنفذها
أول حاجة هو أن حضرتك هاتدخل على موقع البنك الأهلي أو بنك مصر.. وتبدأ في ملء استمارة شراء الشهادة .. يعني تكتب بياناتك ورقم الحساب والذي منه.
وبعدين تقرأ باستفاضة تفاصيل الشهادة.. واية نسب العوائد ومواعيد صرف العوائد.
وبعد كدا تحول الفلوس اللي أنت عايز تشتري بيها الشهادة ودا من خلال إرفاق رقم الـ I B A N الخاص بالبنك اللي أنت عميل فيه.
ولو أنت خارج مصر تقدر تنفذ نفس الخطوات دي.. وخليك فاكر إن الشهادة التانية اللي هي نسبة الفايدة عليها 9% بيصرف العائد عليها مقدمًا بالجنيه المصري.
