التجارة بين مصر وتركيا هاتوصل ١٥ مليار دولار.. والعملة بينهم هاتكون محلية

العلاقات بين مصر وتركيا كل شوية بتتقدم خطوة بخطوة ودا بعد ما تم رفع التمثيل على مستوى البلدين.

دلوقتي جه وقت رفع التبادل السلعي والتجاري بين البلدين.. ودا اللي حصل النهاردة لما  اتفق وزيرا التجارة المصري والتركي أحمد سمير وعمر بولات على رفع حجم تجارة ثنائية من 10 مليار دولار حالياً إلى 15 مليار دولار في غضون 5 سنوات، وكمان هايتم الاتفاق على عقد اجتماع اللجنة المشتركة في المستقبل القريب لتوسيع تغطية اتفاقية التجارة الحرة القائمة بين البلدين.

وكمان مصر وتركيا بيبحثوا في الوقت الراهن على  إمكانية استخدام العملات المحلية في التجارة الثنائية في الفترة المقبلة، ودا من شأنه تخفيف العبء على مصر  اللي بتعاني من شح الدولار.

على فكرة حجم الاستثمارات التركية العاملة بالسوق المصري حاليا تبلغ 2 مليار دولار، وكمان قيمة المشروعات التي بينفذها المقاولون الأتراك في مصر تبلغ نحو 1.2 مليار دولار.