لو اتخانقت مع البنك.. فالبنك المركزي بيحميك.. أعرف ازاي تقدم شكوى

لو عندك مشكلة وقدمت شكوى للبنك اللي أنت تابع ليه.. وماردش عليك أو ماعجبكش رده فتقدر تكلم البنك المركزي مباشرة وتقوله شكوتك

أول حاجة أنك لازم قبل ما توصل لمرحلة البنك المركزي المصري لازم تقدم شكوى في البنك اللي أنت تابع ليه وتشرح اية المشكلة اللي بتواجهك.

يعني أنك تقدم شكوى في موقع البنك أو أحد فروعه أو وسائل التواصل الاجتماعي أو مراكز الاتصال.. وخلال ١٥ يوم هايرد البنك عليك.. لكن في حالة أن رد البنك ماكنش مقنع بالنسبالك فوقتها لازم ترد عليه خلال ١٥ يوم عمل كحد أقصى بأنك رافض حله أو تعليقه.

ووقتها بقى تقدر تحول شكوتك للبنك المركزي المصري لأنه من حقك تصعيد الشكوى إلى البنك المركزي في حالة عدم قيام البنك بالرد على الشكوى خلال ١٥ يوم عمل من تاريخ تنفيذها.. أو في حالة عدم قبول العميل برد البنك.

وتقدر تقدم شكوتك للبنك المركزي من خلال المقر الرئيسي للبنك أو الموقع الإلكتروني للبنك.