السباق بدأ.. نجيب ساويرس أول رجل أعمال يعتزم التقديم بإنشاء بنك رقمي

فاكرين لما اتكلمنا امبارح عن إنشاء البنوك الرقمية... واللي قولنا أن البنك المركزي أعلن عن قواعد ترخيص البنوك الرقمية.. واللي هي عبارة عن بنك بيقدملك كل الخدمات المصرفية من خلال القنوات أو المنصات الرقمية باستخدام التقنيات التكنولوجية الحديثة.

الجديد بقى إن رجل الأعمال المصري، نجيب ساويرس، أعلن نيته التقدم بطلب لترخيص لبنك رقمي في مصر، بعد اعتماد تراخيصها لأول مرة في البلاد.

وساويرس قال إنه هيتقدم بطلب للحصول على رخصة بنك رقمي، بعد إقرار البنك المركزي المصري قواعد تراخيص البنوك الرقمية.

ووفقا لقواعد التراخيص الجديدة ف ساويرس يقدر يعمل بنك رقمي جديد

ودا لأن البنك يقدر يبدأ في تنفيذ عملياته البنكية لما يكون الرأس المال المخصص له ٢ مليار في حالة ممارسة كافة أعمال البنوك، باستثناء تمويل الشركات
الكبرى، لأن دا محتاج رأس المال يصل إلى 4 مليار.

وكمان لازم في البنك الرقمي يكون المساهم الأكبر فيه مؤسسة مالية ليها سابقة أعمال في أنشطة مماثلة بنسبة لا تقل عن 30% من إجمالي قيمة رأس المال.. وطبعا ثروة ساويرس تقدر أنها تنفذ وتنشأ البنك الرقمي.