جوجل بيحذر عملاءه في مصر.. ايه الي هيحصل في 1يوليو

شركة جوجل العالمية ومحرك البحث الشهير بعت امبارح رسايل لمستخدميها من الشركات في مصر وحذرتهم من حاجة هتحصل أول الشهر الجاي عشان يعملوا حسابهم ويرتبو أوضاعهم على الواقع الجديد.. ايه اللي هيحصل في مصر وليه جوجل حذرت الشركات
 

مصر في الفترة الأخيرة قررت فرض رسوم وضرايب جديدة على بعض السلع والخدمات الخارجية وهيبدأ تنفيذها  من أول يوليو اللي جاي، بتطبيق ضريبة القيمة المضافة على الشركات اللي بتقدم خدمات إعلانية وتسويقية عبر منصات محركات البحث أو التواصل الاجتماعي

وحسب القرار بتشمل الضريبة  الشركات زي جوجل وفيسبوك ويوتيوب ونتفليكس وتيك توك  وكمان منصات البيع الإلكترونية والحكومة المصرية اعتبرت إن الشركات دي بتكسب ملايين ومليارات من إيرادات الاعلانات التسويقية في السوق المصري فكان لازم تدفع نظير الخدمة والمكاسب دي للدولة المصرية والحقيقة الشركات العالمية معترضتش على الضرايب الجديدة لأنها حق سيادي للدول.

المهم جوجل بعتت رسالة لمستخدميها عن بدء تطبيق ضريبة القيمة المضافة على خدماتها الإلكترونية في مصر بنسبة 14% اعتبارًا من أول يوليو زي ماقلنا وييشمل القرار جميع الشركات غير المقيمة في مصر اللي يتقدم خدمات إعلانية وتسويقية، وإلزامها بالتسجيل في مصلحة الضرائب المصريه وتحصيل ضريبة القيمة المضافة على الخدمات اللي بتقدمها لأشخاص غير مسجلين ضريبيا وبتقدمها بمقابل مادي أما الخدمات المجانية فمش هتتأثر بضريبة القيمة المضافة.

خبراء مصلحة الضرايب أكدوا  إن الضرايب المصرية بتطبق اللي نص عليه قانون ضريبة القيمة المضافة، الموجود فعلا يعين مفيش تعديل جديد على القانون وأكدوا كمان إن الإجراء ييضم الفئة غير المسجلة ضريبيا في مصر زي الأشخاص مثل الخدمات التي تقدمها جوجل من تحسين الموقع أو خدمات المحتوى والأفلام والموسيقي والاشتراكات.

مصلحة الضرايب المصرية بتتوقع جمع حوالي 2 مليار جنيه أو 65 مليون دولار من الضريبة المضافة في السنة الأولى وبعدين هترتفع  تدريجيا مع التزام المزيد من الشركات.

وتقدر الموازنة العامة لمصر حصيلة من الضريبة على القيمة المضافة خلال السنة المالية الجديدة 2024-2023 بقيمة 575 مليار جنيه أو مايعادل 19 مليار دولار بنسبة زيادة 20.5% عن السنة المالية الحالية.